Khuasik zilthli kik nih a hun hranh i a biangno cung ah a sam an nun i zaap len a zaal chung i a chiahmi mawcala puante a hun banh i a hngawng ah a hun i ngerh .A chaklei a hei zoh i a hnah a til dih cang mi phaizawng kung pawl zeitik dah kan paar dawhnak kan chuah lai tiin caan liam lai a bawhmi a hei hmuh hna. Phaizawng kung hna nih an par dawhnak chuah lai an ii ngeih ning bantuk in Par Te zong nih December thla a van phan ii Cung pi he Christmas nisunglawi van hman lai ding ai ngeih ning hi a fak deuh kho men. Zei hmanh ka hngal rih lo nain a fiang bikmi cu pakhat le pakhat dawtnak he kan rak ii chirhchan 2011 khuasik Dipathla cu zeizong te a rak I dawh thliahmah i then caan a chuak te lai ka rak thei ko nain ka rak ruat loh. Sianginn dih cio cun mah le timhmi lam cio zulh a rak hau cang cungpi he kan rak ii then ve .
2011 Dipathla arak ka pek mi Christmas laksawng te ka zoh zawn ah
khuaruah a tam lung a buai “Par Te in nan phan tik lawng ah vazoh te mu” voilinga
a nawl zoh a duh tuk parte nih a laksawng pek mi a ngan tuk zei ko dah si hnga?
Cungpi bia chim zong a lunglut ti loh. Par Te ca ah cun 2012 laksawng hmasabik
a si. Par Te zingka nitlang tang zei hmanh tamh rih lo mi na hmai duh a
nunning cu ‘kei lawm tuk mu’ ahmai zong a sen dih a mirh lawng a chuak cang
‘Par te ka laksawng na ka cohlan a chung ii nih hin na caah lawm nak le
nuamhnak an petu sisehlaw kei mah ai ah na pawng te um peng seh mu kai lung
hmuih tuk ka caah ni sung lawi a si a van ti an pahnih in an van ii nih ve ve. Parte
inn phan lai ai ngei tuk laksawng chuahmi mizeidah si hnga? ti lawng te a
ruat in a van phan cun aa it nak khan ah a van lut pi Cung Pi pekmi lak sawng
cu a ngan tak tak khi a si. A kuttha ah ai tum lo dengmang Aa van on ii
‘ei ka duk tuk a van ti a lam bak in a va lam ai pom a mirh lawng
te chuak ko a tang cung Ii ai pom bu cun Cung Pi kan ti lai ti ah a tu nu
laimi’ ngan pi cu a van ti zaan chiar bia a ruah hla a sakmi Cung Pi ai ah atu nu
‘laimi’ cu a hnamh lengmang.
Cungpi nih Christmas dih ii Parte he an i then lai
ling kong a ruaH cu zan zong tha te in aa it bel lo tiva an kal nak Chirstmas
zaan a vahnak an ii nuamtuk caan hna aa van ruat ah aa celh hrim hi a cleh ve
bak loh. A dawt ngai in a mitthil lawng
pasal pi a thla ve ko ‘Cungpi kata’ na nu le na pa nih kan ii velh lengmang le
a dang nakin kan hnatlakmi cu na uu le an um nak ah vakal velaw na Siangiin va
kai tan a sau bik kumthum ka ti ko hi zeitin dah na ruat an ti zaan cu Cung Pi
caah a ruah awk a thei hrim loh. Khua a ruah ah 2014 lawng ah ai tong than ding
timi nih a zaanmang hna a sualsan dih kan dawt tuk ko Par Te ka hngak peng ko
ti dah lo cun chimding a ngei loh. Cutin cun ni le caan hna cu a van liam
cuahmah i December thlazong cu a van dih riangmang ve bang Cung Pi ca ahcun nungna
vansang khi a si.
Zeitin dah Par Te ka chim lai ti lawng a phang. Par Te nih mithmai tha a
ka pek sual lai lo ti lungrethei in a um. Nikhat zaan lei sang dapti le thlikik lak ah Cung Pi cu Par Te hngak in an i ton tawnnak phaizawng kung tang ah a thu. Par Te le Cung Pi cu caan sau nawn an ii zoh hnu ah Par Te nih ‘Cung Pi khua zong a tlai thli zong a kik tuk lawi cang uh sih mu’ti ah a van ti. Ka far Par Te kan chim lai ka timi bia hi tha te in ka ngeih piak law tiah zangfah nawl kan duh ko. Ka nu le ka pa nih ka uu le umnak ram ah sianginn kai an ka fial mi hi a sau cem ah kumli a si lai, mah chung hi lungsau te in rak ka hngak ko mu. Ka dawt Par Te kan nawl ko ka thinlung dihlak kan pek. Cu caah na thinlung hi kei mah caah si vesehlaw Siangiin ka dih bak in thi-tumnak kan tuah lai. Cuntlawmpal ah Par Te kaa khathmanh a holh kho lo mithil he a lawi ve ko cu ticun Cung Pi cu Sianginn kai ah a kal ve .
2012-2013 December zuunngaih fak Cungpi zuun tuar cu a har ko. Par Te caah khuasik thlazaan sau le zinglei van I hlauh ko zong I thawh ngam lo tiangin a kikmi zin thlizilg pawl. Khuaruah a tam, lung a buai, khuasik thla an I dawhnak hi Cungpi zuun ngaihnak nih an rak ka hmuh ter kho lo. Furpi zong si lo khuasik thla ka mithli hi chum zaam in a zaam. Kei bochanmi 2014 Cungpi he Dipa thla i ton ding kong ka ruah lawng ah a kik I a khal cangmi ka ruahnak le ka sining hi a lum sattertu an si mu. Cungpi he kan I ton tiah “ka tiamcia a bia ka zumh, a sinain ka chanchung caah zeidah na ka kamh lai??? Then caan sau hi ka celh hrim lo zuun tuarfak zong ka zuam ti lo ka ti lai. Ka herh bikmi dawtnak, ka tlaihchanmi dawtnak, dawtnak he chungkhar pakhat dirh ding ai tim cangmi Parte ka si ka ti lai. Thlapa vang tang ah a mah le a mah bia ai hal caan zong a tam cang. Par Te ca ahcun zuunthing lawngte si ko , khoi ka a kal zong ah a um zong ah Cung Pi lawngte a mitthlam ah a cuang. Par Te ca ahcun 2012-2013 khuasik Dipa (December) thla, ka caah caan nih liampi zokzok she! ti lawng a duh ko.
2014 Dipa (December) Parte nih hngahhlang mi kum le caan hna a van phan cuahmah cang. A ihnak in a tho I Cung Pi caah thlacam a dai hlei lo. A zaanmang nih a
lung a rawhter bal lo. Thaizing timi niceu dawh ning, lawmhnak le nuamnak in a khatter zungzal tu “Cungpi ka ta ka thazaang na si. Ka dawttuk Pasal tha aw” tiah Cung Pi pekmi tunu “laimi” a ti pengmi zong a dong kho rih lo. Ruahchannak nganpi he kum caan saupi a liam cang. Par Te caah 2014 Dipa thla kan tlonlennak ram rak I khat hlah hmanhsehlaw ka thinlung I kan um vev ahcun kan I dawtnak hi a fekmi dawtnak si lai a ti tu Cungpi thawng a theih ni cu zingka a kik takmi zing, Dipa thla nikhatnak ni ah Parte sin ah cakuat a phan. Cungpi cu a umnak hmunhma thar ah dawtmi thar a ngei cang e ti thawngpang a rak si ai. Kaa zumh kho lo, zeitikhmanh ah ka zum bal lai lo ka rak ti. A hmanmi thil sining hmu duh loin ka rak molh. 2014 Dipa khuasik thla cu ka caah a rocaar khawhning le re a theih khawhning cu Dawtnak um lo, ngaihchiatnak le huatnak in a rak khat, a rak ka pekmi Christmas laksawng ka zoh than ah ka mang maw ka cang hme ka ti. ka rak pekmi Christmas laksawng kha teh ai fim ti hna maw ka ti.
Zeizong vialte hi kei ka ca ahcun a sullam ai dang. Duhsah te ka ruahchannak a tlau dih. Khuasik thla le Parte zuunngaih thla an ti hi a hman chinchin ko ne. Kan ca ahcun 2011 Dipa (December) thla hi a thar than ee.Cungpi
Mai Rem Hlei Par
Thantlang
Comments
Post a Comment