(Salai Khua Hup nih PHUNTUNGTU Mekazin,
Mandalay Sianghleiruun siangngakchia nih 2003-04 Cacawn Kum ah an chuahmi ah a
`ialmi chungin laakmi a si.)
Salm 23, Bawipa cu tuukhal bantuk in
a ka vengtu asi, tiah holhfang kheklo nawn vampanglei hoih pahin chuakphut a
chim dih hnu ah a nu phei cungah a vai
khawt diam. Aa pummi pawl nih an
zohah an ha-thi a thak tuk hringhran. An mit-au le umtu hoiherning an zoh hna
tikah innpa, chakthlang le a hmumi paoh nih cu hna innchungkhar dawt le nuamh
lai cu an ti tawn hna. Sihmanhsehlaw ruahlopi ah an pa bik nih a nunnak a
liamtaak hna. An nu nih cun “Ka fale hna, nan pa nih a kan thihtaak cang
i nanmah hi dahkaw, ka hnangamnak le ka suiluchin cu nan si cuh. Pathian hi `ihzah
u law Sunday School zong kai peng uh. Ca faakpi in i zuam u law nikhatkhat
ahcun bawi hna nan si te lai cu,”tiin zaan ih lai fatin a cawnpiak tawn
hna. A nu nih hin a fale caah, Baibal ca chimh, cawnpiak le thlacampiak hi rian
ngan bikah aa chiah.
Sianginn cu an hun kai, an hung `hang
i Lian Lian cu hawile he tlonlen le nuamh a thei ve cang. A hawile hi mirumfa
an si caah a caan tampi ahcun mithmai bi in a um tawn. A hawile hi a thlithupin
zuukhmawm le zudin zong
an hman caah Lian
Lian zong thil`halo tongh hram aa thawk. Phaisa hman awk, laak awk a um lo caan
ah facang pawn hna a hmang ve cang.
Nikhat cu Lian Lian le a hawile an i
tong. Lungduh biaruah dingin zudawr lei an panh. An ri deuhdeuh, an bia-kaa a
thaw deuhdeuh. Pa Ceu nih, “ka duale hna,
Caan-te nu nih a ka huat tuk rua …..,” tlo ngai in biaphawng an den lio ah
Lian Lian nih an bia a tan hna. “Dai rih
u, nungak kong cu za rih seh! Pa Ceu, na bia kan tan lai, pakhatpa ka hua tuk,
duh poahin a kan tlonlen hnawh. Laimi zong a kan neek tuk,” tiin a lung-uam
bia a hun chuah phut ai. Liklak tiah Kio-te cu a tho i, “Ka k..awi.. ho? chim tuah! kan
phomh lai,”a ti. An chuak i tlawmpal an kal ah Lian Lian nih, “Khih! Kio-te mahpa khi si,”tiah a
hei sawhpiak. Kio-te `heo cu a vikvak `ha
kaw a va zuanhnawh i teng lak a thongh colh. Lian Lian nih a sam in a tlaih i a
chuih. Pa Ceu nih thingtan aa laak i a lu ah bawk rup a tuk. Thi le hnai a vun
i kaap ai. Lian Lian nih cun, “Khah! tli
hna usih,” a ti, tlawmpal ah mibu an hung khat colh. Micheu nih aa lek tuk,
si pah ko seh an ti. An vuakmipa cu a
thi men lai tiin thawngpaang a thang. Cu thawng cu Lian Lian nu nih a theih ve
tikah lungretheihnak le ngaichiatnak in a khat.
Palik nih tlaih dingin an kawl hna caah Lian Lian te cu Phakanh ah an
zaam. Nuamhnak le sualnak phunzakip a tlinnak hmunah an duhning paohin khua an
sa. Zu, number 4 le rithainak phun zakip tiangin tongh dih an i zaal cang. Caan
a hung rauh cun khoika an phaak cio hmanh an i thei ti hna lo.
Khoika dah Lian Lian hi a um hnga
tiah a far le a nu cu mithli he khuaza an cuan tawn. Kio-te nu nih, “Na fa Lian Sang nih, ka fapa a hrawh, hi
thil an tonnak zong hi na fa ruangah…,”a timi bia a mitthlaam ah a cuang. “Kan phaisa a tlau le, hi thil vialte hi nan
fapa ruangah a si, nanmah nuhmei ngak`ah nufarual, uico bantuk, mifir, misual
phun,” tiah Pa Ceu nu nih kutdong sawh chihin a chimmi bia hna a hun ruat. “Maw Pathian, theih ka duh lomi thil ka
hnakam ah aa zel i theih ka duhmi bia tu ka thei kho lo. Ka Bawipa, hi thil
vialte hi hun ka teipiak hraam ko,” tiah Lian Lian nu cu mitthli he khupbil
in thla a cam. Suite zong an tonmi thil le a nu a ruah ah lungretheihnak in a
khat ve. “Ka fa Suite, na `a Lian Lian
nih ni khatkhat ahcun ka thlacamnak aw a theih te ko lai, hnangamnak ka ngei
ko,” tiah an nufa in an i hnem.
Lian Lian cu Phakanh khua ah
ruahchannak ngei ti loin thih hmanh a duh deuh cang. Thingkung tangah lungdong
ngai in khua a ruah lio ah an kut aa hruaimi nufa hna pahnih an i dawtning le
an i nuamhning kha a hmuh hna tikah an liam tiang a zoh hna. A thinlung chungin
a nu le a farte kha a hun hlam ruangmaang hna. Anu nih an unau tein bia a rak
ruah hna le nuam ngai in an rak um lio caan kha a ruat i a `ap thluahmah.
“Ka
fa” ti thawng a theih i ka nu aw a lo ko a ti, a hnulei aa her i a nu kha a
si ko. Thil raang aa hruk i a mithmai cu panh sirsiar tein a hmuh. A nu cu a
hei zuan hnawh i a kuh. An mitthli rual he an i ngaihnak bia cu an i ruah i a
dong kho ti lo. A nu nih cun,“Ka fa kan
kal taak lai, khika hmun nuam ahkhin,”a kutin a hei sawhpiak. “Na far he nan rat tikah ka rak in don hna
lai, ka fa, kal caan a za cang,”tiah sianlonak
mithmai he a hun hnemh. Lian Lian nih cun, “Ka
nu, kan ngaihnak ka cim rih lo,” a ti ah a hun i hlau i a nu cu a hmu ruam
lo. A rak reh chihmi cu baabucawng puan tu a rak si. A hnulei a hei zoh `han i sala-eih chia nawn lawng a um. A kelei
ah palastic raang vaar circer te thlizil nih a hranhmi te kha a hmuh. A
lungfahnak le a nu a ngaihnak cu a zual chin.
Ngaihchia ngai in van a hun zoh i a
khuasik sai-sem a chuak.‘Nan sualnak cu a
sen in sen hmanhsehlaw, tuuhmul bantuk in nan vaar lai’ timi Bibal cacaang
nih ruahlopi in a retheihnak le a thilrit vialte cu a hun chawn. Van arfi le
thlapa hna cu an `hep delhmalh. A nu i a
rak chimhmi Baibal cacaang pawl kha a lungah an hung chuak. A pawngah a ummi
lungpi cungah a thu i thla a cam. Khuadei tiang khua zaza a ruat. January a kih
lio caan a si nain khuasih zong a hngal ti lo. Rawl`aam le tihaal zong a thei
ti lo. Hi tluk hnangam le tha tlun hi a tong bal lo.
Comments
Post a Comment