LENGGENG CAMP AH RO KAN LING

 Lenggeng camp hi Malaysia ahcun min thang ngaimi a si ve. Zeiraung ah dah a minthan khun kan ti ahcun ramdang mi phung ning lo a lutmi hna paoh ah a cozah nih tlaihmi hna paoh a kan chiahnak hmun a si . Cu hlei ah an kan zohkhenh ning hi a chaikha ti hlei ahcun chim awk a um ti lo. Kan mah kan rak tlak lio 2009 June thla lio hrawng hi rauh hang a tam ngai lio caan a si. Cu lawng lo in fikfa hi le hmaifa hi celh chuak lo in an tam . Minung hi kan I tet kho taktak fawn rih hoi. Blok 4 ah an then i inn thluan sau pipi a si. Cu ka ahcun miphun kip cawh in an kan erh I a tam cem hi kawlmi kan si lai. A ruang cu kan ram ah an kan kua kho lo.  Thailand lei hlonh kha le UN nih a thloh cang caah tidil in kan I dil hna. Kan mah Chinmi hmanh hi ka um lio ah minung 200 leng kan um hna . A tam deuh cu UN card gnei lo kan tam. A cheu kha thla 6 a tla na, a cheu cu thlakua a rak um cangmi zong an um. Kan nih zong Kajang Thongpi in an kan thlial I thla nga fai ka rak um manh ve. Lenggeng Cam ah thla nga chung kan um ahcun angki zunkhat le Bawngbi zunkhat in kan I chang ko hna. Thilpuan ahlei in  luh pi awk a tha lo. an kan sianh lo.

Lenggeng camp cu ramtang pilking deuh ah a si.  A lenglei khua kan cuanh ahhin sa ung- si- kung deuh hi kan hmuh khawh mi cu  a si. Nitin in ih le zau le rawl-ei hi kan rian lianbik cu a si ko. Cu nak in a har deuhmi cu zeitik ah dah kan chuah, lai zeican tiang dah kan um lai ti kan I thei kho hna lo. Kan minung sinak man hi a tla cikcek. Thih hmanh a phu deuh ko lo maw ti awk in kan ruah caan hi a um ttheu tawn. A cheu kan hawi le hna cu khua fak tuk in an ruah caah a molh mi zong an um len. Cu lio ah a rak lar ngimi cu ti  a lut cang ti hi a si. Kan lung a zaw a zei marek lo ah thinhun a foi te nain Thong inn ahcun a ho unau chungkhat kan ngeih hna lo caah pakhat le khat hi unau chuak bang kan I daw hria hna. Zan ihnak puan hi an kan pe lo. Kan hawi le a chuakmi an um ahcun an puan te cu an kan chiah ta tawn i mah cu te cu kan I cheu hna I zan ah kan I vurhmi cu a si ko. Kan ke lawng hna hi kan tuam I a cung lei cu an kan zat lo. Cu nakin a har deuhmi cu Blok pakhat ah minung 300in 400 kar kan um tik ah zan ih ahhin inn chung nih an kan tlum lo caah a phanthar hi cu congras cung ah puan lo zei lo in an it tawn hna. Zantim ah ruah a sur tawn theu caah zan khaudei it kho  hna lo. An thut bu tein leng ahcun an to hna. Mei toh ding zogng cu a um lo. Angki hmanh cu kan mah kan I hrukmi zunkhat cio lawng kan ngei hna.

Zan I a it kho lo mi hi chung ah kan umnak ahhin an it theu tawn. A sinain it thinthi in ih hi cu a um kho tuk lo. cu hlei ah a van I phuh rihmi cu an rawl pekmi a chiat tuk hlei ah hmaifa nih zan it kho lo in an kan tam . rawl an kan peknak hi fih a nun ning cu uico hmanh nih mah cu rawl kaung cu a ei duh lai lo dah.  Chun ahcun Hmaifa thah hi kan rian lian bik ah a cang ko. Zing 5;00 AM ah an kan thawh I Immigration nih milu relnak an kan ngei tawn. Mah dih cu changreu parhnih cio an kan pek I lakphak tisen cini khi a thlum dengmang in an cawh mah cu zingka I tamphen ah kan pekmi cu a si ko.  Chun suimilam 12 fai ahhin rawl cu a hungphan I savo kutpi tia pahnih cio le zilpar khat cio cun tihang kha tlwmpal te khengkur ah an rawn mah cu I khimhnak in ei a si ko. Kan tin hi a sau, kan sam a bau, a cheukhat upa cu an hmurhmul I a sau I kan ruak marak in kan um hna. Lungretheih hlei ah ei nih chiat zan ihhmu kut cim lo si. Kan duh lo ti zong ah zeisan cu tlai lo cu ta.

Voikhat cu Kajnang Thong inn lei in a rami hna nih mitfah an rak kan phurh ciammam cu kan hloh hrulh.  Mizapi ti awk in an I chonh hna. An mit fah zong ah si zong cu an kan pe lo. Kei bel mah mitfahnak in cun ka rak luat. Bawipa nih ka nun a rak ka humzual caah a si . Mitfakmi cu nikhat hnu nikhat an karh thlauhmah. Camp congtu an awlok chong tuk I mitfak mi paoh kha inn khat an a chiah hna I a alng tlang I kan I chonh hna hmanh ah fak in kan zoh ngam hna lo. An kan chon ve sual lai ti kan phang tuk. Mah tlawmpal ah a van ra thanmi cu kan Blok dihlak in ti a ra lo. Minung 1500 dengmang umnak I ti rat lo ahcun kan zungput cu a thut khawh ning hi khauruah ahr bak a si. Chun nilinh nih le celh chuak lo in a kan hut rih. Ruahsur I tikalnak tilu hor an tuahmi bak cu hnap le khak lawng te khi a si. Dikdil bak khin a um tawn dinti hi mawtaw in nikhat voihnih an kan ngalh. Cu ti zong cu a chiahnak ken ngei hna lo. Lakphak dinnak ahhin A EE dur khi an tan I mah cu kan tidinnak hrai cu a si ko. Mah hrai kaht cio cu an kan pek tawn.  Tirat lo ahcun mi mah vilte hi kan zuun le ek vialte rim cu celh chuak lo khi a si. Cu tlawmpal ah a vanrami cu zawtnak kha a si ko cang. Kan hawi le an zaw an taklin, an khausik, an lufak sidin ding zong cu foi le bai ah pek a um lo. Panadol pumkhat khi an cheu mi mah cu minung pakhat caah a si. Zeitluk in an zual ko zong ah mah si pumcheu te tinco khawhnak ah vitlar hau. Kan hawipa PA Bik zong a zual tuk ko nian minung pahnih nih a a liang le liang in kan tlaih bawh I kan va dirpi ve.  An khuasih caan I taklumhnnak caah tisa din ding zong a um lo. Zan ahhin le a kik taktak chun ah le a linh hi celh ding a si lo. Cu lio cu Blok A kan um lio a si I kan umnak chak I a ummi Blok B ah Bangladesh pa pakhat a thi. Zantim ah mi vialte an tho dih ka hawipa nih a ka thangh I lenglei ka van zoh cu a ruak cu inn hmai ah puan an khuh I an hawile pahnih nih a kam tein an thut hnawh khi ka hei hmuh. Suimilam ka van zoh cu zinglei 2;00 AM lawng a si rih. Ka lung ka van i fim tlwmpal ah  khua tampi ka ruat. Aw chungkhar harsat ruang le nun pawcawm ah hi ram cu kan hungpanh hna I vanchiat ah tlaih le khih kan van ton rih. Kan chungkhar zeitluk in dah an lungretheih hnga mu, ka thawpi ka chuah zei ai hlei lo. A cheukhat cu Thong inn ah an nunnak a liam I chungkhar sin hmanh ah an ruakte phan kho lo in miram ah an ciam ko mu. Zeitluk in dah chungkhar hna an tuar lai. a foi hirm lo .

Indonesia hi cu Camp ah sau an um lo. An tam pah in cun an khau le ram ah an kaut colh ko hna. Bangladesh mi zong hi vanlawng tiket an I cawk khawh ahcun tuan ah an kaut colh ko hna. Kawlram mi hi cu zeican kan um lai kan I thei hna lo. UN nih hin thlakhat ah voikhat cu mi a chuah ve tawn ko nain minung 40 in 50 kar fai lawng hi a chuah hna. Mihlun deuh I papek in a chauh hna caah mithar deuh kan ca ahcun ruahchannak hi a tlawm tuk. Kan hawile te chuah ding in min an van auh hna ahcun an sak hmen Ruun ahau kulh thirhling cu kan I tlaih hna I sian lo bu tein za kan tian hna. Kan hngar ning hna hi zeihe hmanh tahchunh awk a tha lo. Hngar phu zong cu an si tak ko. Nunbu hell ram in a zalennak van hmuh cu a naum ve hrim ko ta. Thong kan tlak ah an chim tawnmi cu “minung hi kan I naum cemnak hi caan thum a um e an ti tawn, a pakhatnak cu nupi ngeihni  , a pahnihnak cu fatir ngeihni le a pathumnak cu Thong inn luatni a si e” an ti. Miza pi ca ahcun a si dih lem lai lo nain a tuarmi hna ca ahcun a si ko laidah. Keimah zong mah hi pathum chung pakhat cu ka ton ve cang tik ah ( Thong inn ka rak chuah lio caan) kan I lomhnak le naumhnak hi ai phun dang tuk kan thinlung hirha a zan I hmr kan chim khawhlo mi lomhnak he kan khat. Ka mithli bak a tla ko. Lomhruang I mithli tlak hi keimah nih ka ton hnu in kai faing chinchin . Laimi UN nih an chuah hna ahhin an angki a that deuh ahcun kan angki chiate kha kan pek hna I an I hrukmi Bawngbi le Angki tiang in kan rak hal dih hna. Mah kha tluk dawtnak sung kha kan nun chung ah philh awk tha ti lai lo. Kei hna hi ka chuah lai ah ka angki leBawngbi hi a tha ngai rih I ka hawi le nih “Thawngap nang cu leng ah na chuak cang lai le na thilthuam cu rak kan chiah ta ko an ak ti” ka van ruah than ah ka hnarno ruh a ka tam tawn. ka thil vialte cu kai phoih dih I an thil lak ah a chia bikmi cu kai hruk . Ka thilthuam cu ka rak pek dih hna. Hi lio ahhin Bawngbi chunghnawh zong cu kan rak I hruk kho lo caah kan rak langh lo lawng khi a si.  Za lennak kan hmuh lai ahcun zan ahhin he….. tiah kan hawi le a um rih ding mi hna he bia lungduh kan phai hna. Kan ph number tete khi kan I pe hna. Ttian lai hi kan rak I siang hrim hna lo. “Hi tluk harnak hi cu hmai lei zong ah ka tonter sawh ti hlah Bawipa tiin thla ka cam tawn.

Note=Mah hi keimah pumpak nih ka tonmi chung in a tawinak tete in ka van tialmi a si. Keimahnak in a tuarmi kan Chinmi phung chung ah an tam pi rih e. A tu ak ca relmi zong ahhin tampi nan um ve laid ah tiah ruahchannak ka ngei. Kan tuanbia le kan temtuarnak hi philh awk tha lo e. A tu zong ah Malaysia ah an tlaihleng hmang hna ti thawng ka theih ahcun ka lungthin hi a zaw. A dang pehzulh in tiak khawh ka van I zuam than te lai.