ZANLEI SANG KEI TARPA KHUARUAH

khualai kip chahw zong ah tupi hmawng bang in thingkung tum cakhong pipi hi an dir lulh cio ko hna. hi ko nih hin dahkaw minung lungthin hna hi a lomhter khun ko.

Zanlei ninu cu tlangkam ah a dir cang. Thlawh khawh ti lo ding in liam zai ai rel cang.  Melbourne khualipi zong i manh lo ngai in a um. Miphun zakip kan lennak hmun nuam , ho hmanh thleidannak a um lonak ram. Duh cuai in len khawhnak ram ahcun mikip nih an fuhpanh duh ciomi ram a si.

Ka sianginn kainak in ka bat deuh caah khua dawh cuan ding in kai chok.  Vanruah siamsiam in a surmi lak ah mibu hna cu duhsah tein an kal hna. Ka angki banfualpi zalpurh pah buin st kilda zalam cu duhdsah in ka van tan. Ka hnu in mi bupi nih an ka zulh ruimai, keimah zul lo in an mah le tinhmi cio ah kal ding in cu ka hmun cu an rak tan ve khi a si.  Trafic ngak in mawtaw chung ah a thumi hna ka mitsir in ak hei hmuh hna. 

 

zanmang hmanh ah rak manh ngam ballo mi khualipi dawh laifang ah yaravile tiva pi cu dai zerzuar piin a um. A homi zong hmanh ing ai chiat in tialianh le inn lo hrawh zong  ahamng bal lomi tivapi nun nem a si.

A  cheukhat cu mah lawng umhar ngai in an um,a  cheu cu bia an i ruah i an nih len lio khi ka hei hmuh hna. zalam cung ah duhsah in ai thawnmi mawtaw hna cu pakhat hnu pakhat in an liam. Coffe dawr ah nugngak tlangval hna hmai tonh in an thut buin ani tlaihmi coffe hrai hna zong cu fiang ngai in ka hei hmuh khawh hna. zilthli nih ka biangki hna cu a van hranh caah duhsah in ka tak vun hna cu an van i kor tha chuah pah buin khuasik cu tei khawh kai zuam. ka lam kal cu dir tung lo rang tuk lo in hmai lei ah ka kal thluahmah. Ka kiang ah a cheukhat cu an kawp hna he kut sih in zalam an leng. Zan khuamui nih Melboure khuapi cu khuh a van timh bang in lamkam mei tete hna zong an van ceu ve cang. Vanlei arfi tete hna zogn fiagn tuk lo in a hung cuang ngia ve. khualipi laifang in a laungmi yaravile tiva hna cu mei nih a van ceuh caah tleu dildel tete in hmuh khawh an si. 

 

zanlei ninu liam lai ahcun Melbourne khuapi cu cuan cim lo le mithi in ai tuha ko.

A  caan ah rili cung khualtlawngmi tilawng pipi hna khi ka hei cuan pah . Tivakam a keomi Thingkung borh cung ah riahruun a hlam vanva han zong mui lai cun an mah el hmun cio ah an merem cang. Keimah lawng in khua ka ruat than aw nunnak hi dah zei hme si? Kai fiang kho tawn lo. Hi ramdawh le  hmun zong ahhin hei um ko hmanh ning law lungthin daihnak tak ka hmuh khawh hlei lo ahcun nihin i ka hmuhmi lomhnak a ka petu hna i mimei bang an tian ko lai hi teh ti ka van ruah tlawm pal ah ka khua ruah cu ka ngol i inn tin ding in ka zalam cu ka peh than.

Tlerlung