2. Duhnak nih cun mifim he mihrut he an mit a cawtter dih ko hna. (Menander)
3. Lenglang muisan ruangah dawtnak cu, lenglang dawhnak sinah a ziam tawn (John Donne)
4. Duh taktak hnu ahcun fimkhur tein duh khawh a si ti lo. (Francis Bacon)
5. Mifim mi sinak nakin mi mihrut vantha si hi duh deuh awk a si caan a um ve tawn. ( John Webster)
6. Zumhawktlakmisinak telhchih lomi hngalhnak cu a derthawm mi le santlaihnak a ngei lomi a si. Hngalhnak telhchih lomi dinfelnak cu tihnungmi le harnak chuahpitu a si tawn. (Samuel Johnson)
7. Hngalhnak nih thawnnak a kan pek i, dawtnak nih nun diriamhnak a kan pek .(S.Raldhakrishnan)
8. A luancia thil kong philh diam I, lung nuam hmaipanh tein um hi, zeizong vialte ruat le hmaichia temtuam i umnak in a tha deuh suaomau. (Christina Rossetti)
9. Ka miphun caah thih ngamh tiang in dawtnak ka ngei tiah au lennak in, Ka miphun minung pumpak vialte sinah zeitluk in dah dawtnak, zawnruahnak le siaherhnak ka ngeih titu hi thil biapi deuh a si.
10. Kan ram nih ka caah zei thiltha dah a tuahkhawh tinak nak in, kan ram caah zei thiltha dah ka tuahkhawh, titu hi kan i hal deuh awk a si. (John kennedy)
11. Phuntanh pawl nihhin kan ram caah kan thi lai ti hi an chim peng nain, kan ram caah a herh ahcun mi kan that lai tihi cu an chim ballo. (Thomas Campell)
12. Mi pakhat nih a ram chungah kutpi hmeh tluk a kau mi thil kong hmenh ah nawlngeihnak (right) a ngeih khawh lo ahcun cu pa cu ram a ngei ti khawh a si hnga maw. (Henry Gorege)
13. Palhnak hme tete aa ngaithiam kho lomi cu caan saupi hoikom an si kho lo.
14. Naa lawmh tuk lio ah biatiamnak (promise) va tuah hlah, na ngeihchiat lio zongah biachahnak (decision) va tuah fawn hlah, cun na thinhun tuk lio ah bia va chim hlah, naa ngaichih sual lai.
cherhchan "BIAROLING LE PHUNGTHLUKBIA" cauk chung in lakmi a si.
Comments
Post a Comment