 |
| Lai mino biazai palai Dk Tluang, umnak Norwar |
Kan hnu lei naitei tuahmi
CYO civuipi cu chanbaunak le tlamtlin lonakt ampi lakah, tluangte in an lim. Cucu
ram kip um Laimi an cawlcangh ningzong mithmuh hnatheih kuttawngh tluk tein kan umnak hmun cio
in an civuipi kan rak zawh. Laica( caholh ) nunphung kilvennak le dirkamhnak tiah kan umnak hmun
le hma. Kan phannak khua le ram cio in bu dirh a si. A tutan zong cucu CYO in
tlangtlak in civuipi cu tuah a sinain, amah balte Laica le
nunphung dirkamh tu nih caan hmannak Lai he Mirang he cawlpawlh in țialmihmuhtikahngaihchiangai
a si. A sinain a tu ah kha kha chim duhmi si loin tutan biazai țial zuamnak i pakhatnak a hmutu biazai ka hmuhning tlawmpal
in langhter ka duh.
Kha hlan i rak tuahtawn
mi capar siseh biazai tbt si hna seh țial zuamnak um tikah 1-3nk tiah a rak um tawn.A mah
bal te tutan i cațial zuamnak ahcun 1nk lawng um dawh a si? A ruang cu capar le
biazai teitu thawng thanhmi ah 1nk a hmutu lawng hmuh khawh a si. Ziah 2nk le 3nk
a hmu tu an um hnga lo ma? A si lo le a zuammi hi pahnih lawng dah an si hnga? US
chung mino lawng an si caah dah cațialtu an tlawm hnga? A tu bantuk in zuamnak a um tikah
1nk in 3nk telh hi teitu hmuh awk a si i, laksawng ah tangka in silo in Roca pek
ding a si hnga, hi hi a zuamtu ca zong ah an hmuhmi tangka nak in a raksung lawi i,
rothil bantuk zong a si chih fawn. Hi bantuk in cațial zuamnak kan tuahmi nih calei´n Laimi zong zeitluk
in dah kan țhancho a langhter i, hi hi a hnu ahcun Lai nunphung pakhat bantuk ah a
rak tla te lai.
Biazaitlangtar:“ Ro “tiah US ram um PhirKam phanmi biazai nih
1nk a hmuh. Amah hi Lai mino biazai phantuthar le facebook ah
“ chantharbiazai “ tiah cahmai a ser i,
biazai zong a phanngai tu pakhat a si. Hi a tu i Ro ti a biazai nihhin kha hlan pipu
hna nihLaimi an rak kan roh tami kan nunphung kan Laica in kan holh. Kan lam le
kanh lakha a langhter. Cu hnu ah kha vialte kha kilven le dirkamh ding seihno kan rian
a sinak zong a langhter chap lawng si lo in, miphun pakhat kan sinak,
Laimi kanniam lonak le ca le nunphung tbk in Laimi kan rumnak a
langhter chapmi hmuh tikah, tlangtar pekmi “ Ro “
Laimi kan nun ning kan nunphung a huap lawng si loin kilven ding tiah forhfialnak
a tuahmi hmuh tikah 1nk
Biazai țial zuamnak biazai : Biazai a phanning le a
kilning zoh ahcun a thong leng in a um. Biazai cu a phanning le a kilning
pakhat lawng a ummi a si lo. Cabia( capar ) dang he a lawhnak cu hi hi a si. Biazai
a phun in tiah ahcun 50 tluk in a um hngai,
cu nih biazai hi a phan ning pakhat lawng le a kal ning pakhat in zulh awk a țha lo
zia a langhter. A poi ngai tiah ka ruahmi cu a tubantuk in cațial zuamnak
a um tikah pakhatnak a hmutu biazai hi zoh tikah
ramkong, Lairam kong tbt phanmi biazai paoh nihcun, 1nk hi a hmuh zungzal.
Hi hi a tu lawng si lo in, a luan cia kum zong ah hmuh khawh a si. Hi nih Laimi kan sining a
langhter mi pakhat ca lei ah țhanchon lam kan zawh nain, kan rak niam tuk rihmi fiang tein
a langhter. A tuban tuk in ram kong phanmi biazai paoh nih 1nk a hmuh ahcun, ram
kong biazai țial zuamnak tiah tlangtar hi thlen siseh cutin cun a tlakbikhnga. A ruang
cu Biazaițialzuamnaki a phi chuakzohtikahbiazaițialzuamnaktiminih a huapkhoti
lo. Biazai hi zohtikahphunhnih in țhenkhawh a sii, a fawinak in chimahcun a
chim in chimmibiazai le a rel in relmi biazai tiah hmuh khawh a si. Lai
mino biazai phantulakah a tam bik mi cu a chim in chimmibiazai hi a si. Cu
bantukcun, tutani CYO biazai phannak i 1nk a hmuhtu hi a chim in chimmi biazai a
si. A kalning le a phanning zoh tikah, rhyme biazai phun a si“ awthluk “ bantukin a sinain, awtlak pakhat hmanh a ruang
lo. Cu bantuk a si tikah biazai țial zuamnak tbt ahcun a mah biazai lawng in zoh awk a
rak țha lo. A phan ning in a kalning le biafang hmanmi in a sullam tiah in
ruah i biatak kherhlai a hau hnga. Amah balte a tubantuk in biazai a sining, a
phanning le a kal ning zulh theng loin biazai țial zuamnak paoh i, ram
kong phanmi biazai nih 1nk a hmuh zungzal ding ah cun, biazai si loin ram kong biazai tial zuamnak tiah tlangtar i thlen sehlaw
a tlak bik hnga tiah.
D,K Tluang hi lai biazai cauk pahnih a chuah cangmi a si. Lai mino ahcun zohchun tlak a si. Biazai cauk zong hi tampi kan tial chuah a hau.
Comments
Post a Comment