Dear Facebook
Laimi tampi aiawh in na sinah cakuat bi te ka vun `ial. Nai manh lo tuk ko lai nain na caan sunglawi pek in hi ca bi te hi na ka rel piaknak lai kan sawm e.
Kawi Book, nai cikua hrawng ko hin mikip thinlung na lak hi a zual khun, a bik in mino le ramthumnak lengmi Lai nutung no pawl zong an i tel. Book Book nang loin a tlei lomi hi tam ngai cang hna kaw nikhat voi khat tal nang vun in len lo hi cu a chia ah an ruah cang rua. Micheu, a hlei in mino, pawl le bang hi cu pumh lio le hlacawn lio zongah nang lo cun an tlei lo i an vun in bihtaduak `heu tawn. Ai manh lo ngaimi an lawh rup cun zei pi pa a herhmi an tuahmi cu um dawh cu a si lem lo, chuk le cho i vun thawn luala khi dah ti lo cu. An cawlcangh dan vun zoh bel ah mobile phone in business a tuahpahmi hna cu an lo fawn, hoi tongh khawh lo a tawngthammi ko hna an lo tawn. An umnak hmun ah an thinlung um loin kawi Book na sinah an thinlung an chiah tawn i an tonghthammi nih an lung a vai vuangter ngai tawn hna.
Laitlang i phekalh le mangkhawng kan rak ven tawn bang khan ‘like’ le ‘comment’ an friends pawl nih vun pek lai khi ngangngan ngai in a hngak i avengmi zong hi an tlawm bak lo. Micheu le bang cu an hmanthlak tarmi pawl ‘like’pek piak dingah an friends sinah like pur a phiarmi zong a rak um ve hoi, khuaruah lei khi an tam. Mah le mah hmanthlak hi voikhat lengin like i pek kawh cu ngah sehlaw cu chun nitlak zei tuah loin mah le mah like ai pe huam ding zong hi an tam hringhran lai mu. Cu lawng si lo mi hmanthlak kip a vehmi zong an tlawm lo. Cu lawng hlah an FB status i mi kheuhnak caah ca tawi te an tar tawnmi ko khi mi hnasen te a tla lo ngai. An fim le fim lo an langhter tuk pinah zeibantuk lungput le zia dah an ngeih ti zong an i phuang fawn.
Micheu cu an hmanthlak lak i an i lunghmuih bikmi pawl khi i thim in FB ah an vun tar tawn. Ruahchannak tampi he an hmanthlak an hei tar ko mi khi ‘nai rem tuk’ or ‘dawh tuk ee’an vun ti hna ah khin (lungtak theng cu si thlu lem loin mu) velhle si le si lo zong an tuaktan theng lem ti lo. An i lunghmuih tuknak ah original kha cu an i philh sual tawn ai zaangfak tein, edit tuah hlan an original hmanthlak nih khin i theih sehlaw cun nan ka zahpi tiah rawl ei hmanh a nuar phah men hnga mu. Velhle hi tuchan ahcun a har ngai cang nain FB tu ahcun a fuan bak in a fuan ee. Mah ruang cun si kho men mi nih ca an vun thlah bak ah khin micheu cu a rel hmanh rel thlu huaha lo le a sullam fiang theng lem lo pi khin like pek a hmangmi le comment direct in a pemi zong an kharhcho ngaingai. Like a sullam hi hme sawhsawh tiang lawngah a ruat sualmi zong tam ngai dawh ai si cang.
Kawi Book na cungah mi tampi aiawh in lawmhnak vun chim ka duhmi ko. Nangmah cung lawng hmanh ah si loin 360 camera le editnak cung zongah vun chim chih ka duh ko. Ziah ti ahcun nan rian`uan `inak thawngin mitam pi
cawisan an tonnak ruangah hin a si bik. Nan rian`uan `inak zoh ah hin a ward pek phu bak nan si tiah keimah pumpak nih cun ka ruah ko hih! Ziah ti ahcun tu lio kan vawlei pi zoh tikah i tukdennak le minung hawi i thahnak a karh tuk lio i nan nih vial zoh a co theng lomi zong duh nan nun ter hna pin ah mi hmai i a cuang theng lomi zong kha cuang ko khin FB ah tarkhawhnak khunhzi (opportunity) nan pek hna, editnak nih process a tuah dih hnu in.
Ramthumnak ummi fa ngei nutung pawl hi nikhat ah an fa le nappy voi hnih thum hrawng an thlen hna nain an FB bel cu nikhat ah voi kua hra pi a check manhmi zong an tlawm lo. An cokaa (kitchen) thilri pawlnak in FB sining ai fiang deuhmi zong an tlawm `hiam`hiam lo.
Hlanlio ahcun album deuh hmang in hmanthlak hi rak filhlawm asi tawn nain mitam pi caah cun FB hi an album ah a hmang zong an tlawm lo. Hmanthlak upload lei le FB chung hmanthlak tam lei in laksawng pek um lai ti hna seh law pakhatnak thim dingah cun Laimi chung hmanh ah hin committee dirh lo ahcun pakhatnak pek ding thim cu kan in har bak ko lai tiah ka ruah.
Zei khom si ai kaw kawi Book, si khawh ahcun hmailei caan rem hna kan ngeih tikah coffee hna kan ding `i te lai i lungduh bia dang zong kan i ruah te lai mu. Tu cu hi Te Lai nu nih hna a ka hnawh tuk, na phone van ka pe ta law Book Te cu van leng ta ning a ti, nau ai hngilh ti phun in zalon in ai la le hi. Kawi Book pakhat te hal kan duhmi a um cu cu na min hi Lai version in ‘Chinbook’ tiah let ning ti ka duh pah i nang zong rak i ruat ve law a rem na ti hnga dik maw?
Chinbook pa
Laimi tampi aiawh in na sinah cakuat bi te ka vun `ial. Nai manh lo tuk ko lai nain na caan sunglawi pek in hi ca bi te hi na ka rel piaknak lai kan sawm e.
Kawi Book, nai cikua hrawng ko hin mikip thinlung na lak hi a zual khun, a bik in mino le ramthumnak lengmi Lai nutung no pawl zong an i tel. Book Book nang loin a tlei lomi hi tam ngai cang hna kaw nikhat voi khat tal nang vun in len lo hi cu a chia ah an ruah cang rua. Micheu, a hlei in mino, pawl le bang hi cu pumh lio le hlacawn lio zongah nang lo cun an tlei lo i an vun in bihtaduak `heu tawn. Ai manh lo ngaimi an lawh rup cun zei pi pa a herhmi an tuahmi cu um dawh cu a si lem lo, chuk le cho i vun thawn luala khi dah ti lo cu. An cawlcangh dan vun zoh bel ah mobile phone in business a tuahpahmi hna cu an lo fawn, hoi tongh khawh lo a tawngthammi ko hna an lo tawn. An umnak hmun ah an thinlung um loin kawi Book na sinah an thinlung an chiah tawn i an tonghthammi nih an lung a vai vuangter ngai tawn hna.
Laitlang i phekalh le mangkhawng kan rak ven tawn bang khan ‘like’ le ‘comment’ an friends pawl nih vun pek lai khi ngangngan ngai in a hngak i avengmi zong hi an tlawm bak lo. Micheu le bang cu an hmanthlak tarmi pawl ‘like’pek piak dingah an friends sinah like pur a phiarmi zong a rak um ve hoi, khuaruah lei khi an tam. Mah le mah hmanthlak hi voikhat lengin like i pek kawh cu ngah sehlaw cu chun nitlak zei tuah loin mah le mah like ai pe huam ding zong hi an tam hringhran lai mu. Cu lawng si lo mi hmanthlak kip a vehmi zong an tlawm lo. Cu lawng hlah an FB status i mi kheuhnak caah ca tawi te an tar tawnmi ko khi mi hnasen te a tla lo ngai. An fim le fim lo an langhter tuk pinah zeibantuk lungput le zia dah an ngeih ti zong an i phuang fawn.
Micheu cu an hmanthlak lak i an i lunghmuih bikmi pawl khi i thim in FB ah an vun tar tawn. Ruahchannak tampi he an hmanthlak an hei tar ko mi khi ‘nai rem tuk’ or ‘dawh tuk ee’an vun ti hna ah khin (lungtak theng cu si thlu lem loin mu) velhle si le si lo zong an tuaktan theng lem ti lo. An i lunghmuih tuknak ah original kha cu an i philh sual tawn ai zaangfak tein, edit tuah hlan an original hmanthlak nih khin i theih sehlaw cun nan ka zahpi tiah rawl ei hmanh a nuar phah men hnga mu. Velhle hi tuchan ahcun a har ngai cang nain FB tu ahcun a fuan bak in a fuan ee. Mah ruang cun si kho men mi nih ca an vun thlah bak ah khin micheu cu a rel hmanh rel thlu huaha lo le a sullam fiang theng lem lo pi khin like pek a hmangmi le comment direct in a pemi zong an kharhcho ngaingai. Like a sullam hi hme sawhsawh tiang lawngah a ruat sualmi zong tam ngai dawh ai si cang.
Kawi Book na cungah mi tampi aiawh in lawmhnak vun chim ka duhmi ko. Nangmah cung lawng hmanh ah si loin 360 camera le editnak cung zongah vun chim chih ka duh ko. Ziah ti ahcun nan rian`uan `inak thawngin mitam pi
cawisan an tonnak ruangah hin a si bik. Nan rian`uan `inak zoh ah hin a ward pek phu bak nan si tiah keimah pumpak nih cun ka ruah ko hih! Ziah ti ahcun tu lio kan vawlei pi zoh tikah i tukdennak le minung hawi i thahnak a karh tuk lio i nan nih vial zoh a co theng lomi zong duh nan nun ter hna pin ah mi hmai i a cuang theng lomi zong kha cuang ko khin FB ah tarkhawhnak khunhzi (opportunity) nan pek hna, editnak nih process a tuah dih hnu in.
Ramthumnak ummi fa ngei nutung pawl hi nikhat ah an fa le nappy voi hnih thum hrawng an thlen hna nain an FB bel cu nikhat ah voi kua hra pi a check manhmi zong an tlawm lo. An cokaa (kitchen) thilri pawlnak in FB sining ai fiang deuhmi zong an tlawm `hiam`hiam lo.
Hlanlio ahcun album deuh hmang in hmanthlak hi rak filhlawm asi tawn nain mitam pi caah cun FB hi an album ah a hmang zong an tlawm lo. Hmanthlak upload lei le FB chung hmanthlak tam lei in laksawng pek um lai ti hna seh law pakhatnak thim dingah cun Laimi chung hmanh ah hin committee dirh lo ahcun pakhatnak pek ding thim cu kan in har bak ko lai tiah ka ruah.
Zei khom si ai kaw kawi Book, si khawh ahcun hmailei caan rem hna kan ngeih tikah coffee hna kan ding `i te lai i lungduh bia dang zong kan i ruah te lai mu. Tu cu hi Te Lai nu nih hna a ka hnawh tuk, na phone van ka pe ta law Book Te cu van leng ta ning a ti, nau ai hngilh ti phun in zalon in ai la le hi. Kawi Book pakhat te hal kan duhmi a um cu cu na min hi Lai version in ‘Chinbook’ tiah let ning ti ka duh pah i nang zong rak i ruat ve law a rem na ti hnga dik maw?
Chinbook pa
Comments
Post a Comment