LUNGLAWMHNAK

RBZ 100: Puan Sunglawi le Phaileen Cimlo An Tuanbia

 

 

 

August 22, chun suimilam 12:00 LBC Centre ah Vanva Phu nih a tuahmi "RBZ 100: Puan Sunglawi le Phaileen Cimlo An Tuanbia" timi cauk, Salai C. Alexander ttialmi apnak hmun ah aa kan telpi khomi LBC pastorte le Mino upa hna, cattialtu Ceupi chungkhar le hawikom dawt hna, a hlei in biatawi aa kan chimpiak tu Pu Richard Zatu le Pu Steven Ni Kio, thla aa kan campiaktu Rev. Dr. Gordon Za Thio, Rev. Ruang Lian le Pastor Zelma, cun, MIT lei in kan hawile, Chairlady aa kan ttuanpiak tu sayama Princess Kate Abi le Ceupi i a thaisung sayama Mimi, cun, pumpak in kan in sawmmi hna kan nau/ule nan dihlak cungah Vanva Phu nih lunglawmhnak chimh cawk lo kan ngei.
Hmailei Vanva Phu a rianttuannak zongah thazaang rak kan pe rih u, tiah nawlpat chih zong kan in duh hna. Vanva Phu nih lunglawmhnak leiba nganpi nan cungah kan ngei.

Thazing ah Rangon LBC ah "RBZ 100: Puan Sunglawi le Phaileen Cimlo An Tuanbia" le NELRAWN LIN AH TLANGSENRI " timi cauk cu zuar hram an thok cang lai. Mipi hna thazang rak pe cio ding in kan in sawm hna.


LAI LENHLOI A CHUAK: “NELRAWN LIN AH TLANG SENRI” LE RBZ 100: Puan Sunglawi le Phaileen Cimlo An Tuanbia an chuah cang.

“Nelrawn Lin ah Tlang Senri” timi Lai Lenhloi cauk zong a chuak cang. Hihi Vanva Phu nih a voi khatnak bik a chuahmi cauk a si. Minung pali nih ttialmi Lai Lenhloi fung 20 aa tel. Khoika hmanh ah zuar a si rih lo. A rauh hlan ah Laimi nan umnak cio ah phakter kan i zuam lai. Cattialtu hna cu: Lian Chawn, Zing Bawi (Van Bawi Lian), Sang Lian Thawng (Tlerlung), SCA (Salai C. Alexander) an si.
Myanmar ram ah 1,500 MMK in zuar a si lai i ramdang ah cun $ 10 in zuar a si te lai. Nan sin a rak phak tikah cawkpiak khawh rak kan zuam cio te hram u. Cu lawng si loin, Vanva Phu nih hmailei ah cauk phunphun a chuah khawh zungzal nakhnga ruahnak peknak le thlacamnak zongin rak kan bawm hram u. 

Vanva Phu minung pali in a voikhatnak bik chuami cauk.  

Pehtlaihnak:-
Yangon : Van Bawi Lian, Ph-09442000315
Australia : Sang Lian Thawng (Tlerlung)
, Ph-0434 185788
Malaysia : Saya Lian Chawn,
Ph_+60173641245
Texas, USA : Bawi Lian Sang,
Ph-
Kalaymyo : Van Bawi Mang,
Ph- +959252460717
Thantlang : Rem Hlei Par
Ph+9259254619
Pert ,Australia : Biak Cung Ling
Adelaide, Australia : No Hmung
Ph 0432621063

Lai Seino hna nih anva Phu nih a tuahmi "RBZ 100: Puan Sunglawi le Phaileen Cimlo An Tuanbia apnak an tuah lio. Hmanthlatu Van Bawi Lian

Pathian sin ah thlacamnak in apnak an tuah lio.

catialtu Salai C. Alexander pumpak ai awh in Princess Kate Abi nih mipi sin ah cabia a rel lio.

 Pu Richard Zatu nih vanva phu le RBZ 100: Puan Sunglawi le Phaileen Cimlo An Tuanbia cauk zohthannak kong a chim phuan lio  asi. (Hmathla cu Van Bawi Lian)

 Miphun caah lung um an pumh lio caan.

Stephen Ni Kio nih lunglomnak bia a chim lio caan. 

RBZ 100: Puan Sunglawi le Phaileen Cimlo An Tuanbia cauk kan chauh tikah le Nelrawn Lin Ah Tlangsenrin timi kan chauh tikah Tlabulbal in chauh lo in phung kel in chuah hi kan hmui tinh a si.