 |
| Rev.J. Sang Awi le LCF biaruah lio |
Rev. Dr. Sang Awr cu Pu That Vung le
Pi Chiah Zing nih Thantlang peng Thau khua ah 1945, July 23 ah an hrin. An fale
paruk lakah upa bik a si. Rev. Dr. Sang Awr cu Thau primary school ah 1949-53
Laica tangli tiang a kai. 1954-55 tiang Tikir private middle school ah Mirangca
tangli tiang a cawng. Gangaw ah tangsarih a kai i Falam high school ah tangriat
a kai. A ngakchiat lio tein hruaitu dirhmun ah a dir i a ral zong a rak òha.
Thau khua in high school a rak awng hmasa bik a si. Tanghra a awn dih in Thau
ah private middle school ah saya a òuan. 1964 Rangoon Art and Science
University kai dingin a kal. Asinain a zohkhenhtu Pu Ceu Luai i an company cu
cozah nih an chuh caah bawmtu a ngei ti lo i Laitlang ah a kir òhan. Hakha
Basic Primary School ah PAT a òuan. Kumkhat a òuan hnuah a reng a kai i Surkhua
State Middle School ah JAT a òuan. Hakha sianginn a kai lioah monitor a si loin
monitor dirhmun ah amah tein a dir i ka hawile caah tiin a òangmi a si. Mi
nunnem a si nain ai tinhmi a tlam a tlin khawh nakding ahcun a lung a òhawng mi
a si.
1965-68 tiang BA (Law), 1969 ah LL.B (Law) degree a lak hnuah sihni òuan khawhnak chamber a kai pah in Insein MIT ah B.R.E 1969-71 tiang a kai chih. Cozah nih ramkhel ruahnak nan pek tiah an ti hna i 1972-74 tiang Mandalay thong ah an thlak. Yangon, Mandalay le Laitlang ah 1969-79 tiang sihni a òuan. TABC zong ah Literature Secretary a òuan. Sinhni dirhmun in biaknak lei ai mer tik zongah biaknak phung tlinh lo cu a ti i Baibal Sianginn a kai. Mah lio ahhin ZBC GS rian òuan ding in an rak auh nain Baibal Sianginn kai tu a rak i thim deuh. TABC Au Thawng Mekazin a rak thawkpi hna. 1980-86 tiang TABC GS a òuan. 1983 TABC nih Aibur khua ah tuahmi Civuipi ah ordination an pek. Kan Laimi huap in rian a rak òuan, biaknak lei ah a dirhum ai òhial cang nain miphun le ram caah tiin rian a òuan. TABC ram chung òam a rak tlun lioah cozah lei uktu pawl he pehtlaihnak a rak tuah piak hna i bawmhnak zong an rak hmuh. TABC quarter a rak kang i a thar a rak sakpi hna. Cu lawng loin Thantlang khuachung dinti hmuhnak ding zongah a si khawh tawk in a rak i tel.
Rev. Dr. Sang Awr cu 1975 April 6 ah Pi Mah Cin he an i um i fapa pali le fanu pakhat an ngeih hna. MIT ah B.D kai ding in a chungkhar he an kal. 1991 B.D a dih in MIT ah Lecturer a òuan colh. Lecturer a òuan pah in Princeton Theological, USA ah Th.M a lak. MIT nih 1993 ah Professor òuan. 1994 ah Trinity College, Singapore ah M.Th. a lak. 1998-2006 tiang MIT ah Vice President a òuan. MIT nih 2003 ah D.D (Doctor of Divinity) an pek. 1983-86 tiang ZBC ah President a òuan. MBC i Higher Theological Education ah Chairman a òuan. 2006-08 tiang MBC ah President a òuan.
MIT ah rian a òuan pah in 1992-2002 tiang Lai Baptist Church, Yangon ah Honorary Pastor, 2002-2008 tiang Senior Pastor a kan òuan piak. Cantling rianòuannak in a ding cang nain LBC ah Pastor Emeritus in siseh, MIT ah Professor Emeritus in siseh Pathian rian a òuan. 2000 ah pawpi cancer a ngei i operation an tuah, Pathian dawtnak thawng in a hung dam deuh i a rian vialte tlamtling tein a pehzulh khawh òhan hna lawng si loin pension a lak tik zong ah rianòuantu thar sinah òha tein a rian òuanmi a ap khawh. A rianòuanòi hawi nih an chimnak ah amah he rianòuan cu a nuam tuk in an theih i a um lo hnu zongah an hlam òhan peng. Thantlang i GS a òuan lio ahhin an rak chim tawnmi cu a rianòuanòi hawi nih hin an rak tlaihchan tuk ti hi a si. Mi min hi a cinken khawhnak nih hin a rianòuannak ah tampi a bawmh. Amah nih a chimmi cu mi min i cinken hi mi upat zong a si, i pehtlaihnak zongah thinlung a zaang a ti. A rianòuanòi hawi hi hawi tluk hna seh ti hi a duh tuk mi a si. A theihhngalhmi mi a theihter lengmang hna. Mi a cawnpiak tik zongah zapi hmai ah zohchia in a ti hna lo. Miphun ning in òhancho hi a duh tuk caah manh lo ngai in rian a òuan peng. Laica a òhanchonak ding caah tiin Laica òial phu zong a dirhpi hna. Lai Baibal zong hrilhfiah a tuahpi hna. Laica in cauk uk 13 a chuah. Rev. Dr. Sang Awr cu 2011 January ah Pathain sinah a din.
Chirhchan: Van Lian Hup & Sang
Za Thang nih an khawmh suatmi chung in ka lak chinmi a si.
Comments
Post a Comment