Christmas Theitlei

By:Papum: Zeiruang ah dah Farkung hna hi Biakinn țamhnak hna ah kan rak hmannak asi, Laksawng hna hi zeiruang ah dah kan i pek tibantuk....

Christmas thingkung:

 

Rev. Boniface hi Germany ram khua pakhat ah Pathian thawngtha phuangtu a si. Cu khua mi hna nih cun an khua leng i a um mi thingkung  nganpi pakhat kha an biak.An biakmi Pathian umnak thingkung tangah cun rai an thawi tawn. An vung ler ciamman i minung thawinak ah an hman hna.

Boniface nih khuami hna cu a auh hna i nan Pathian le ka Pathian hi kan zuamter hna lai a ti hna i, cu thingkung cu ahau i athingkung cun Biakinn a sak.Khuami nih cun na chungkhar chan sarih tiang an thi lai an ti.Boniface nih ka biakmi Pathian cu akaa khamhtu le athawngmi a si ati hna.Cun Christmas laiah Farkung kha a hram tein a hau i Biakinn kulh chungah cun a phun hna.Ei awk phunphun le theitlai dawh tete kha Farkung ahcun a thlai hna.Cu zohchih in le Farkung cu thingkung lakah a hnah a uai har bik a si caah Jesuh Khrih nau te cu zungzal nunnak petu a si tiin Christmas hmelchunhnak ah kan hun hman.

 [ Tuesday, December 01, 2015 3:07 PM ] Papum: Cun Christmas Darkhing, Christmas zanvah...tibantukim kan tuah lengmang tawn mi asi ko nain zeiruang ah dah kan tuah timi asullam kan theihtuk lemlo mi pawl an si lai caah athei rihlomi caah cun theihtlei ngai asi ko hmanh maw ti ah siaherhnak nganpi le ruah channak nganpi he ka vun in kuat hna nak asi. Relkhawh cio rak i zuam ding zong ah kan sawm hna.

2.Christmas laksawng:

 

Mifim hna nih Jesuh naute cu aman a sungmi laksawng an pek ti cu kan theih cio i hmelchunhnak ah Christmas caan fate Christmas laksawngkan i chuah hna i atu ahcun zum lotu hmanh an hmang cang. Ahlan ahcun a rak um mi asi lo.England Siangpahrang William the congueror nih hin AD 1067 ah vawlei cung Khrihfa hna i lubik a simi, Rom khua i aummi Pope kha Christmas caan ah a man a sungmi Christmas laksawng a kuat. Cu thawk ceo cun Christmas laksawng i pek hi hun peh zulh a si an ti.

Christmas zanvah:

 

Christmas zanvah hi Mirang holh in "Christmas Carolling" ti asi I Italy ram ah Pathian a thei lomi hna nih Carolore timi puai an ngeih caan ah mino pawl an i khawm i hla an sa i an vak tawn an ti.Cu thil zohchih in Khrihfa a hungsimi pawl zong nih Christmas puai caan ah cu hlasak i vah cu an hun tuah ve.AD 1710 ah hin Fransis Assisi nih biatak tein a rak tuahpi hna i Christmas caan ah tuah lan a hung si.

.Christmas Darkhing:

 

Kan nih cu Christmas darkhing hi kan ngei lem lo.AD 1200-1300 hrawng ah Khrihfa mi nih Christmas lai zan ah darkhing an raktum.Zan theng i an tumnak cu Satan nih vawlei hi a uk dih cang i cu Satan teitu khamhtu a chuak lai tinak a si.Zan suimilam 12 a phanh hlan cu darkhing kha duhsah tein an tum i zantim suimilam 12 a phanh bak in rang tein an tum i cu nihcun Satan teitu Khrih a chuak cang ti kha a langhter an ti.Cu zohchih cun Christmas lai zan ah Christmas darkhing tum a si lan.

Christmas phazawngdai Meiceu:

Christmae Meilul vanmi A si

Austrialia ram khua pakhat i a ken nete ah khin keden thimi nuva an um i zan fatin phazawngdai an van tawn.An nih hi khualtlung a daw ngai mi le mitha,mizaangfah thiam an si. Nikhat cu ramchung ral atho i pa paoh ralkap ah an luhter hna.An sifak tuk i an lung adong ngai.Cu lio ah mipa pakhat, mitha le mivelngei nuva hna nih an rak tuah tawn mi meivan cawn awk tlak asi tiah bawipa a chimh i khuami vialte kha innkip le Biakinn kip ah Phazawngdai van a fial hna.Cucu an i nuam tuk i ral lio ah dai tein an it kho fawn hna.

Athaizing khua a dei cun pakhat pa nih ral a dai cang tiah ati hna.Lawmhnak darkhing an tum cio.Khuaruahhar a simi cu zankhuadei phazawngdai an van zan kha Dec. 24 a rak si cu thawk cun Christmas lai zan paoh ah zan khuadei van ahung si lan.

.Crip paper:

 

Herod nih hngakchia thah atim tikah Jesuh cu Egypt ram lei i an zampi lio caan ah lungkua ah an i thup i Herod ralkap nih cu lungkua cu an zoh nain sawmpalak bu(Maimawmh bu) nih a zelh caah mi an um lo tiah an ruah . Cu sawmpalak bu nih a khamh hnanak hmelchunhnak ah Christmas fate sawmpalak le a bu bantuk in Crip paper in inn kan tamh. Cun arfi zong kan suai tawn i cu cu Jesuh chuahnak lam lei ah mifim hna lam a hruaitu hna hmelchunhnak a si.