Mipi nih an konglam kan theih tuk lem lomi hna Europue kiangkap hna an cawlcangh ning le an khausak ning kong faing ngai in mah biahalnak ahhin a um. A hramthok in a dongh tiang rel law theihkauhnak tampi naa chap lai. Biahaltu Sang Lian Thawng ( Tlerlung) Bialet tu Biak Zii ( Denmark ummi) a si.

Mipi nih an konglam kan theih tuk lem lomi hna Europe um Chinmi hna an cawlcangh ning le an khuasak ning kong fiang ngai in mah biahalnak ahhin rel law na theih khawh lai. A hramthok in a dongh tiang rel ahcun theihkauhnak tampi naa chap fawn lai. Biahaltu Sang Lian Thawng ( Tlerlung) Bialet tu Biak Zii ( Denmark ummi) a si.

SLT: Na min le a tu na umnak, ,na chuah kehnak kong na kan chim kho hnga maw?

BZ: Bialeh: Ka min cu Biak Zii a si . Tleicia hna Rev .Huat Hnin le Pi Sa Iang i an fanu pathumnak ka si. Thantlang peng Khuabung khua ah ka chuak.

Denmark hi zeitik kum ah dah nan rak phak? Khoika lei in dah nan rak phak?                    Bialeh: Malaysia in 2011 ah Denmark ka phan.

Malaysia ah kum zeizat dah nan um?

Bialeh: Kum ( 3 ) ka um.

Malaysia nan um lio ah na philh khawh lomi harnak na tonnak le lomhnak na tonnak na kan chim kho hnga maw?

Bialeh: Pathian thawngin harnak fakpi ka tong bal lo.UNHCR nih Denmark ah na kal cang lai tiah an ka tilio ah kai lawm bik .

Denmark ahhin ta Laimi mulurel zeizat hrawng dah nan um?

Bialeh: Denmark ah Laimi 1300 renglo kan um.

Skyline of Copenhagen, Denmark's capital city

Nan phak ka ah zei dah nan i harh bik?

Bialeh: Khuasik le holhcawn kan i harh bik.

Mirang holh maw an hman si lo ah an mah holh dah an ngeih ve?

Bialeh: Anmah holh an hman i an holh an ttanh ngai. Siangiin ah mirang holh long hmanh siloin Germany le France tbt-- holh zong an cawn chih.

Denmark cozah nih ralzam hna an in zohkhenh ning hna na kan chim kho hnga maw?

Bialeh: An holh an kan cawn ter. Cun Sianginn cacawn a duhmi caah Cozah nih lahkhah pek a si. Sianginn kai a huam lomi caah rianttuan khawhnak lam an kan kawl piak. Rian kan ngeihlo pohah Cozah nih cawmpeng a si ko.

SLT; Cozah nih hin bomhnak hi an in pe hna maw? An in pek hna ahcun minung pakhat ah zeizat dah thlakhat ah nan hmuh khawh.

BZ: Bialeh: Bawmhnak an kan pek. Single ( pumpak khuasa ) le Family ( chungkhar khuasa ) ti in an tthen i, Anmah phaisa ( Krone ) in Kr.8000-11000 hi kan hmuhmi a si i kum ( 18 ) a tang cu kanmah bang an hmu ve lo. Ngakchia kum ( 18 ) tang poh hi Cozah nih thlathum ah vuikhat lengmang ( Bawmh ) lahkhah pek an si ve.

SLT:Inn hlan man le a dang herh hai caah acozah bomhmi hi nan i za maw?

BZ: Bialeh: Innhlanman zong rian ngeihlo ahcun an kan bawmh chih. Kanmah eidin kongahcun lungretheih awk a um lo. Damlo Sizung kainak ah mizeipoh a lak ( manlo ) tein kai a si fon.

SLT: Euroupe ram cu aa naih tuk duhtawk in tlanglawng in le mawtaw in kal khawh a si an ti i nangta khoika ram hrawng hna dah na va kal tawn.

BZ: Bialeh: Nau he ka si I ka kal kho rih lo.

SLT: Denmark in Garmany ah Bazar an kai ti a si i mah cu zeitin dah nan kai khawh zia. Visa le a dang dang past post hau lo maw?

BZ: Bialeh: Laimi tampi Germany ramah Dawr an kai cio ko. Visa lak a hau lo. Document Pass tuahkhawh a si.Mah Pasport te cu hman cio a si ko., Kawlram bel tlawnnakkhawh a si loh.

SLT: Holh cawnnak sianginn tah an in tuah piak hna maw?

BZ: Bialeh: An kan tuahpiak ko.

SLT: Nangmah na theihnak ah Laimi chung in Denmark ah Univesity kai lio si lo ah a dih cangmi hna an um maw?

BZ: Bialeh: Profeesionsbachelor a dih cangmi minung ( 1 ) le a cawnglio mi ( 12 ) an um I, Bachelor a dihcang mi minung ( 2 ) le a cawnglio mi ( 13 ) an um. Master a cawnglio mi minung ( 2 ) an um rih.

border between Denmark and Germany

SLT: Denmark ahhin Kanmah Lai Khrihfabu hi pazei zat dah um i nangmah theih tawk ah member zeizat dah nan si?

BZ: Bialeh: Denmark ah Laimi Khrihfabu Register a ngeimi ( 6 ) a um i, Fellowship ( 7 ) register a ngei rihlomi a um. Member cu Bukhat le khat ailo ve lo i, minung 50-240 karlak ah ( Ngakchia chuak ka tiang relchih ) kan um cio. Cun an mah Danish Churches member ah a ummi zong um a si ve. Cun hmunhma ( Geography ) nih a peklo caah Laimi Khrihfabu ah a um lomi zong an um ve.

SLT: An ram ah riantuan khawhnak hna nan ngei kho ve maw?

Bialeh: Ngeih a si ko.

SLT: Rian a tuanmi hna ta zei bantuk deuh dah an tuan i buaktlak in thlakhat ah zeizat dah an hmuh khawh.

BZ: Bialeh: Factory Sehzung ah an tambik lai tiah ka ruah. Buaktlak in zapi cu Kr.12000 ( US.2100 Tulio phaisa umtuning ) lahkhah a si i, rianhar a ttuan mihna cu Kr.15000 in Kr.20000 a hmumi zong an um ve.

SLT: An mah rammi sinak ( citizenship) hi ta an in pe ve hna maw ?

BZ: Bialeh: Kum zeizah um zongah rikhiah piakmi phaklo ahcun pek a si lo, Cu tinhmi riakhiah a phanmi kan Laimi chung zongin a hmumi tukum cun an um pah ve cang.

SLT: Nan nih cu Denmark ummi naan si ve tikah cozah thimnak ah Vote thlaknak nawl nan ngei ve maw?

BZ: Bialeh: Rammi sinak a ngei rihlo mi cu Myone Cuoncil Upa thimnak tiang long nawl kan ngei.

SLT: Denmark na phak hnu ah na nuamh bik caan na kan chim kho hnga maw?

BZ: Bialeh: Summer chuah hi kai nuambik ko rua ka ti.

SLT: Naa caan tampi lak ah biahalnak tlamtling tein na kan leh caah kan i lawmtuk.

BZ: Bialeh: Kei zong kai lawm ve .