DAWTNAK TUR SIVAI

Tuni cu nikhua a thiang vankam a zaam chumdi hna zong an hung tiang ziahmah ve cang. Khuasik thla hna a hung I lim zihamah bang laitalng fingletlang kip cuanh ah meithang nih a zelh dih. Maw nawn chialmal tein fingkip an cul . Khuate lei ramphong hronak meikhu tom hna cu a hrual tete in vanlei hoih ah an hung kai hna. Hakha khualipi hmun lai ah suangdut in a tomi  Pyidaw tha siangruun  zong tuni cu mi an hlunghlai khun hna. Fimnak a cawng lengleval hna caah tu lio cu an thih nunak ah rikhiak tu pakhat a si cang. Lian Lian zong zan mitkuh cim lo a cazohnak nih a chei ngai caah a holh ka a panh zar kho lo. Siang inn hnu lei thingkung borh tang ah fianril in a ca cu a zoh len.

 “Lian Lian na phi kho maw tuni kha zei dah na lawh” a mui a hmu lo nain LyLy a si ti cu aa fiang colh.

“aw zeidek ka lawh te hnga chim awk ka thei lo e nangta na phi kho maw” a cauk kau pah in a van chonh. 

“Um a za ko ka phit khawh ko aunghmat cu ka hmu ko hng alo maw” mirh zimziam tein LyLy muithlam nih Lian Lian thinlung thabat a van chawn deuh. An pahnih lawng hna ngam dai tein biaza an phai tti. Vanva runrual hna cu ho uk phentu ngei lo in vanlai an zuan len lio cu an pahnih in an cuanti.

Holh lo dai tein an thu nain bia pakhat khat chim ding ngei hna sehlaw a lo.  A sinain nangmah chim hmasa ti phun in an I hngak “ Lian Lian thaizing cu kan dih cang lai i na cam ko rih lai lo maw” Timit hna zong cu ngahring kan doi hna lai cu, Doi Ku te zong ka chimh hna lai i” ningzak mitsen nawn in Ly Ly nih a van chimmi bia Lian Lian khuaruah a van hlauh.

“ Aw si kan dih in cun tlun colh cu ka duh ko e ka nu le pa hna rian bomh an hau , a bia aa aw aa pah. Um rih ko cuh nang ngai hih kan ngai tuk lai hi na thei lo maw tiah a lian ah din nawn tein LyLy nih a van bengh pah. An cammin puai phit dingmi an I chimh dih hnu ah zanlei inn tin a  cu cang tiah an hawi le nih an van auh hna. A thaizing a nidonghnak as I cang lai. Kumpi kum hnih chung ti le nga bang a leng timi hna sian lo buin tian riangmang nak caan nih a nai cang. Cheukhat cu an ngakchiat lio tein Siangruun an kai ti hna a sinain tanghra phit hnu cun Pyi daw tha siangruun pi cu hnu chit in nun pawcawnnak caah hmailei kal ding timh lamh ciami mino hna a cheu nih an hmailei kong an ruah ah lomhnak in an khah lio ah cheukhat bel lung si vang in an um. Fimnak hnukthlum a za tawk in a dinh cang hna caah an nun hmailei caah mah tein timhlamh a hau cang. Hawikom hna he tian lai an siang hrim hna lo. Cheukhat aa duhdawmi tlanghra dan in dawtmi zuun ngaih tuar lai celh lo ah chungkhar khuasak tintuk lei ah aa nammi zong an tlawm ve lo. An mawh ve hrim lo umnak aa dang cang hnu cun minung lungthin hi I zumh sual a foi .

Zinglei niceu dawh te nih Hakha khualu bo Rungtlang lei cu a ceu nak in a van kah. Zing dapti fim dildel hna romno cung ah tler dildel tete zoh ah lungthin a nuamhter khun. Zingdai zilthli kik nih thinlung a van fimvar ter. Aw mah tluk aa dawhmi fingtlang toi I kanum kan semnak ram hi ho ram dang nih ianghlei lei lo.

Tukk tukk,,, Inn khar kingh thawng…

“Ka fa LyLy tho cang law tamphen kan ser piak cang tuni cu nan cammin puai zong si caah ca tha tein va zoh mu sianginn kai na tlai sual lai mu ka dawt te”  aw nem te he a nu nih a ihnak cun avan thawh.

 Zan a cazohnak nih a rak hlanh deuh caah thawh a tlai deng. A haham pah buin a ihnak khan cung thlalangawng lei in khuaza cu a hei cuan. Hniarlawn lei tlangpang I tikhu a tom tete a hlummi khi mithep lo in sau nawn hei zoh. A lu aa kheuh pah in a liagngtlai hniphiap te he a zan ihnak thim thuam he cun inn cung in a hungtum. A sam hna cu a liangthlung ah daithlang in a thlah tholrh I a titvun no cung ah a vani tlai ahcun tisor bang in a kengthlung lei ah a hei phen hai. A hmur te cu pan nawn tein ( holh duh tuk hmur pan cu si lo) in . Inn tang ah a pa Radio ngaihnak lei ahcun alakphak ti hrai put pah bu in a hung thu.

 “ Aw ka fa na tho cang maw? zahan an cazoh a sau tuk I an kuah lai hi tuni cu a donghnak si ko caah I hne ko mu tanghra na awn in cun nangmah na duhmi te sianginn ah na kai te lai cu” tiah a lain kuh pah buin A pa thazaang peknak cu dai tein LyLy nih a ngaih piak pah in a si hrim kho ti phun in a lu din nawn tein a khun piak.

“Khah ka fan a hawi le nih an rak in auh cang hih I sarh cang law” an coka in a nu au thawng nih LyLy hna thlam ah duak tiah a  hunglut.

“E heu ka tlai cang” a thil aa sarh dih hnu ah a sianginn Uniform te hnihring le angkiraang circer te cu a a hruk I leng ah a hung chuak.

“LyLy na zingtha maw”  lau nawn in a van zoh I mitmai panh te he a rak hngaktu Lian Lian a si kha fiang tein a van hngalh khawh.  “Aw sin t “ a bia a cat ta. Um zign taun tein ka tho cang aw si amw? Khah kal kun usihmu kan tlai sual lai. An pahnih kut za nem tlai in Pyi Daw Tha siangruun lei cu an hungpanh ziahmah.  Mah lio celngel ahcun sianginn kai an hnu. Midang ttansi an tuah lio ah ruah lo in an hung chuah tikah an hawi le nih an rak zoh dih hna. An tak ah mit a khat. Tawk Thleng te nih an van capo hna nih an pahnih in an biakhi a hung sen.

An cammin puai phitmi a hung dih ruangmang cang. A donghnak ah an saya a hung dir “ kha tuni cun mah ka sianginn in nan chuak cang lai, a cheu fimnak catang sang pipi nan kai rih lai. A cheu bel chungkhar ser in mah sianginn hi a dih donghnak nan kai zonga si kho cang. Mah hi cu vawlei thil kal pining a si ko nian a donghnak bik ah nan hmai ah biacah kan duhmi hna cu zei bantuk thil nan tuah zong ah a dih dongh tiang tuah khawh kha I zuam u mu” tiin a bia a van donghter lio ah cheu khat siangakchia an biaki cung in sian lonak mithli fim tete hna a hungluang riangmang.

An mawh ve hrim lo Hakha cu khuapi a si tikah khuale lei hmun kip in an rak fuh panh dih hna caah aa thie bal lo zong an I theih I unau rual bang lungkhat te ah an um ti hna.

Zanlei ninu a hung liam riangmang cang. Hakha khualipi hna zong muihnak nih a khuh sin lamkam meiceu fa tete an hung thep delhmalh . Zalam tlang cung ah duh tawk in Cycle aa citmi tlangval pawl bel buaicur in an au khuang hna. Ly Ly le Pa Lian bel hna ngam dai tein thingkung toi ah zantlai zilthlikik an dawp ti. Van arfi hna le cung thlapa cu van lei in muihnak nih a khuhmi bawlei pi cu an ceunak in an van kah. A thiang i a dai zan ah an pahnih khuaruahnak nih an luki tiang a linhter hna.
"Lian kum caan hna hi a liam rang tuk e , nai te cu pei kan i ton ko cu a tu tiannak caan kan phan than" a bia a peh kho lo. A hromhrol a van i thianh hnu ah duhsah tein vanlei a cuanmi Lyly a uai hnang. Thazaang ngei lo bang a hung uai. Pa Lian nih fek tein a kutnem a tlaih. An pahnih bia an chim kho lo. Zanking hnu Lyly thawpi chuah thawng nih Pa Lian nun ah fak tuk in hmunhma a rak lak.
"Ka dawt LyLy a ruah hlan ah kan saduhthah tling hram seh mu" a lu te a muai pah in hnemnak biathlum in a nun thlim aa zuam. Zan thlapa nih a van kahmi Lyly biangno hna cu dawhnak in a khatmi le ngakchia bang in a muihmai a panhzar Pa Lian nih thep lo tein a van zoh.
A biangcung in a hung luangmi mithli fim hna cu a kut hnih in a van hnawh piak hnu ah duhsah tein a tang nem ah a hung i thlim. Chimthli hrang nih duhdawtnak kar ah then ding aa zalh len hna. Kiangkap cu daihnak in a khat cang. Hakha khualipi zong dai tein a ih merem ve cang ai. LyLy nih Pa Lian hngawng cu a van kuh i a lungthin um dihlak cu lungthiang mithmai panh tein a hung chim phuan. An pahnih in ruahchannak he a khat dawtnak hrifek zungzal dingin biakamnak an ser. Rose momh bang in duh a nungmi Ly Ly biangkino zawn ah a lummi le a nemtukmi Pa Lian hmurno nih duhsah tein a van cul. Hakha khuasik zandai zong nih a kham khawh lomi dawtnak vawlei ramnuam an hungcul. Semno bang Pa Lian siangtoi i aa thlim Ly Ly hramthawng cu zanking fianril ah duhsah tein a hung thang. Fek tein a kuhmi Pa Lian thlah lai ding a siang hrim lo.
"Dawtnak hi a mit caw" tiah an phai theumi a tu an mah nih ak van temco ge tikah lomhnak in an khat. A sinain a ra lai mi caan thil sining bel minung an si bang an rak thei kho hin lo. Duhsah tein Pa Lian nih aa dawh tukmi le a hningno tukmi titsa nenno hna cu a van cul len. A dawtmi caah a nunnak tiang a thap ngamtu Ly Ly zong semno bang a dawt Pa Lian tangtoi ah cawl cang lo tein aa thlim. Zantlai zilthlifim nih a van chemmi Ly Ly zihmui rimthaw hna cu Pa Lian takpum chung ah a hung lut. Duhsah in a van cul muai. "Ly Ly thihnak dah ti lo kan karah tthennak um hlah sehmu" dang kharh bu in Pa Lian chimmi bia nih a lung a van hno ter.
 
Pa Lian siangtang cung in a a hungtlami todor cu a van zoh. Bia chim kho lo in a tah ik thawng a hung thangmi Ly Ly biangki zawn ah Pa Lian nih duhsah tein a van hnamh. Daitein aa chit. An hmur lumte a van i ton caan cun pawng thil sining an philh. Dawtnak ram ah an nun a hungpil ziahmah.
Michia mirum, mifim, mi hrut thlei fang lo in tiva bang a luang i kir zai aa rel ti lomi caan nih an pahnih kar dawtnak ttsnglum cu thennak in caan tha a hung lak ziahmah. Maw caan tha hna aw kan hngak rih law dawtmi he bialungduh biaza phai len kan cim rih lo" ti ttahzai rel zong ah san a tlai ti lo.
Fingrei cah lai timkhuang ar hna an hung khuang. Zantlai a vang thlatangpa zong duhsah in a hung maw cang.
" Ka Tta Lian Lian a tlai pah cang tin cang usih thaizing tiva kal hna ah kan ba sual lai" Ly Ly bia nih Pa Lian a lung khuaruah a van hlauhter.
" aw si inn a tlai ngai cang ti" i ralh lo ngai in Pa Lian bia leh. Ly Ly te inn tiang a hei thlah.
 Tlerlung

Lenhloi ka thai lonak sau cang kaw ka cafung a hnol ngai cang nan ka ruah thiamnak lai kan nawl hna.
Pehthan te ding>>>>>>>>>>>>