RUAH LEN CAAN A CU CANG LO MAW?

Salai Thomas Lian te Kawlram lei panh lio an kal , Mawtaw cung ah

Zing suimilam 7:30 AM ka riantuannak ding a ka thotu ding ah kachiahmi a awnh hlan ah kaa hlau. Khua a dei cang nain cerlian ninu bel a tlang rih lo caah ka puanbu toi I daite um kha ka duh deuh. Duhsah in ka lung kaa fiim than. Riantuan ding ka si I, daidam in aa hngilh thiam ding ka si lo zong ka fiang. Ka perpe ka lung hna ngam kho lo. Tlawmpal ah zingkhuan a ka hlautu ka phone “ ALARM nih tho cang law na tlai lai” ti phun in a van ka hlauh. Ka tho, ka kutke kaa tawl I ka riantuannak bag le thilri he ka mawtaw sehcu ka vannunh.

Riatuan hnu dinh caan ah ka fb ka van zohmi nih a a ka lauter tuk caah ngangtor in ka a ka tuah. Mah tluk in a ka lautermi cu ‘ ISiS nih mi an thah hna , Li aa hnin timi kong a si lo” nain ka lau I khua tampi a ka ruahter. Ka timeline ah ka hawikom tam deuh kan I chatmi hna an timelines si lo ah an capostmi hi ka sin ah a rak langtawn. Mah cu ve bang in tuzing cu “ Mangtha Malaysia ‘ timi catlang tawite “ Salai Thomas Lian nih a tialmi cu ka hmuh tikah a ka lauter tuk.

Khua tampi ka ruat. salai Thomas cu “ ho dah a si” mi tamtuk nih nan thei tuk lai lo nain catial tam deuh nihcun kan theihmi Chin pasaltha a si. Laimi zong Facebook buantual ah kan i bur dih hna . Cu chung ah group in ( Hakha- Thanthlang) ai ti deuhmi nih Group kan ngeihmi lak ah a liam cem cu Mi-e pi biaruahnak a si, aphnih nak ah Chinland Dailey News timi a si. Mah cu Chinlang Dailey News a dirhtu le nifa tein a zohkhenhtu pa cu Salai Thomas Lian hi a si. A tu cu Malaysia in Semnk lungrawn lei a panh cang. Kam khat lei ruah ahcun zaang a rap tuk a ruang cu a nih hi Laiholh a tanh hlei ah a mah pumpak zong in lai holh cawnnak le phun tanhnak kong tampi a tial I mipi rel khawh tlak laimi sining thwnthar tete zong an kan sia herh tawnmi a si. A hlei in Chinland daily News lai Media si hna seh pumpak zong in, lungum bia phuan kan chim len tawnnak hmualtual rawlpi a tawlreltu a si tikah Kawlram lei i a kan kirtak ruangmang ko lai cu ruahnak lungnawl har hringhran.

Keima zong nih Chinland daily News cu ca ka tholhnak le mikip nih an rak relmi a si ruang zong ah ka tlaihchan khun. Pakhat bel ka ruahmi cu Malaysia Chinmi hna kan sining kha a si. 1992 in kan pa le nih Malaysia ah nunpaw cawmnak tal hrangtlai deuh aikun tiah thih nunri an rak rat hnawh mi a si. Pathian lamhruainak thawng in a tu cu Malaysia le India ram ( Delhli) in a rami zong kan tam chin lengmang ve. Chinmi zong ramtha ah tampi kan phan hna bang in CAN le tlangcung mi nih thisen nu nunnak thap in dothlennak an tuahmi cu duhsah in a hungpar ziahmah. Kawl vaichia nih kum 60 renglo pi ( a tu NLD Cozah talh in) an kan uk tik ah ram inn pa ah dornak a kawlmi one million tluk kan phan. A sinain a tu cu cozah thar an kai tikah Ramip hruaitu hna zong hlan lio an lungput kha a van I thlen tikah Kawlram raalzam an ram I lak ding kha an lung ah um tuk ti lo. A ruang cu vawlei cung hmuzakip ah kokek hartuarnak in siseh, ramkhel buainak ruang ah ram kip phanmi hna zong a tu cu kan ram tlawmpal aa thlen cang tikah duhsah in an kir hna.

Malaysia phan Chinmi zong hi an ram ah thirphang bu in riantuan le mitkuh cim lo, nu le pa , chungkhar , cingla rualchan van hai in nunvan sang in kan dang hram hna. a tu cu kan ram zong that lei a panh ziahmah bang in Malaysia UN lei zong nih Kawlram sining hooih in Ralzaam zong an akn daihtlanh chin lengmang. A fak bikmi thih lohnak kan ton hmanh ah an ka suaphau ti lo. ram ngei lo bang a vak vaimi Chinmi Phun hna kan lungfim cu cang. Chuahsemnak ram ah nehbung khirh in nun pawcawnnak caah khurkhua fak piin ruah caan a cu cang. Sal lungput kan hlaun maw laimi, kan lungput tetuainin luat caan cu cang lo maw? Kan phaknak ram ah kan cawn I kan thiammi kha kan ram ah hman caan a cu cang.

Salai Thomas Lian nih a facebook I a dawt bikmi lengnu he an tiannak kong a van tarlanghmi nih ka thinlung a ka sualsal dih. Pasal ciammam aa timhmi cung ah nungak le duhnak nih a kham kho lomi pa tiah ka thangthat. A facebook ah online timi a cuang rih caah ca in ka hei kuat.

Tlerlung; Kawi na kal cang maw?

Salai Thomas: Aw kan kal lio si e”

Tlerlung: Kawi Mangtha kun law chuahsemnak ram ah dam tein tonnak caan um than sehlaw”

Salai Thomas: Kaa lawm tuk kawi “

Tlerlung: a poi lo na timhmi cung ah kan conglomh, Kawi aa nan hmanthlak ka kua” ( mawtaw an I cit lio hmanthlak a ka kuat)

 

Zanlei ninu liam zai aa ser mi nih Khua hmete a hei kah liio caan.  A khua bel ka thei lo. Photo by salai thomas Lian 

Laimi minung pathum kan si a dang cu miphun dang an si tiah a ka chimh. Khua tampi a ka ruahter. Umm Laimi khua fak piin kan ruah caan a cu cang. Malaysia ah kan rat len awk si ti lo kan ram ah kir in nun pawcawnak caah khuaruah caan a cu cang. Ramthumnak lei kal ding ruahchannak a um ko mi cu Kawlrama ah kir bak loding zong forh fial kan duh hna. Lan hrimhrim uh. UNHCR card hmu rihlomi hna le ruahchannak um tuk lomi caah ka chim bia. Ka bia ah ka kir than lai.

Tlerlung; Kawi nan phaknak hmun ka kau.

Zanlei ninu liamlai Thailand khuate pakhat i unti kung toi ah mawtaw rrang circer te an parkmi khi a van ka kuat. Ka caah a sunglawi tuk thiam. Mah ka hmun kha keimah pumpak in zeitik hmanh ah ka phak khawh dingmi a si lo bang Salai Zong nih a phan kho ve ti ali lo. A phak lio caan a tlakmi kha tuanbia roling ah cang lan lai.

Tlerlung: Ziah na online khawh rih ko maw?

Salai Thomas: Thailai Immigration sin phak hlan cu Malaysia Phone line kan hmang kho rih.

Tlerlung; Aw si ngai lungleng tein ka lung tha lo tuk e”

Salai Thomas : aw si hrim ko kawi aa… Pa caan ka pe.. ka bairuah a dih kho lo tlaihchannak in ka khat.

Tlerlung; Laitlang na phak ah zei dah na tuah lai?

Salai Thomas “ Kawi Sianginn ka kai lai ak ti”

Tlerlung” aw tha tuk nang cu miphun le ram caah aa zuammi na sin a lung dongh hlah. Ka bia dih hlan ah a cakuat ra than.

Ttih a hungbikmi le tuar a rak harbikmimitam pi  zong hi abntui in nunak an rak laim taawnnak Mawtaw hnu lei i minung khumh i lam saupi phurh ding in a chung ah an khum hna lio. Mah thok in kan i pehtlaihnak a cat...

 

Salai Thomas: Kawi Mangtha law tu hi Mawtaw hnu lei ah puaisa nih an kan luh ter ( mawtaw thil chiatnak hnu lei an luhnu a donghnak Malaysia O Wifi a hmannak in hmahlak cu a ka kuat) ka lung a hno. Khah Pasal than a kalnak ah lam tluang hram kun law… mah vial in kan bai ruah a cat. …….. Chinmi hna kan ruah a cu cang. Semnak ram ah kir in nun pawcawnnak kong kan ruah a hau cang timi ruahchannak he………

Salai Thomas Lian Upat peknak he ka tialmi a si.

Tlerlung

04/20/2016