A Tlaituk Cang

A rop ngai cangmi Run Inn, a dih cih hmanh a pem dih cang I palasatic chia in phih kahrmi iin toi ah Henry cu ngaihchiah le lileng ngia in nitin a  caan cu a liam. Nitin in hoihngar he a caan tha cu a  liam lengmang a si nain a nu nih a fapa caah a si  khawh tawk tein in riantuan aa zuam. An chungkhar khausik tintuknak an harsa tuk caah a Nu nih nichiarte a thlanhri put in rianhrang a tuan. A hmuhmi phaisa cu a mah eidin le thilpuan hmanh ah  i zalh lo in a fapa Henry te sianginn kainak caah a pek piak tawn. A fapa nih a halmi paoh  a nu nih a si khawh chung in tlinter ai zuam hlei ah a fapate mihmai ah upat tlak si ding cu a Nu thlacamnaka  si zungzal. A mah dirhmun bantuk a phak lonak ding le mipi nih ttihzah upatmi a sinak ding caah Pathian sin thlaza a cam piak tawn. A fapate zong cu kum le caan an liam bang in a hung cu za ve cang.  Tanghra cu mark cu result  a hung chuak , tha tuk in a awn caah college sang ngaimi pakhat ah sianginn cu a kai. A nu aa lomhtuk ah a hmurka hmanh in a chim kho lo. A fapa te cu a kuh i a hnamh. A sinain Henry cu Kawlrawn sianginn kai ding a si caah a nu he an tiang riangmang. A sianginn kainak ding vialte cu a nu nih a si khawh tawk tein rian a tuanmi cun acawm. Nikhat cu a sianginn kaimi a van dih.  Degree a lak   hnu company pakhat ah rian a sok . Interview an tuah thinphang bu tein an bai cu leh khawh aa zuam hna. 

"Tlangval pa na bia leh zong a tha kan  lawm tuk hi hnu zarh khat ah rian na hmuh ahcun thawngtu kan rak in thanh te lai mu" tiah an lutlai pa nih hmai panh tein a van ti. 

“Aw si ko ka lawm tuk” thinphang pah bu in Henry nihcun a  van leh. A nu sin ah ca hitin a hei kuat.

Dear ka nu na dam tha maw? Kei na fapa zong na thlacamank thawng in ka dam e , degree zong ka la cang ko nain tlung lo tuin hi ka hmun ah rian ka kawl colh lai e tiah cakuat bite cu a nu sin ah a hei sanh. A nu nih a fapa cakuat a rak hmuh cun a lomhtuk ah a cakuat te cu a  tangnem ah aa pom , 

"kaa lawm tuk Pathian"

 tiah mithli he thlaza a cam.

 Caan cu a  hung liam. Thawng thanhmi a um rih lo caah Henry cu thinphang ngai in a um. A lungre a thei tukah zan hmanh ah it kho lo. Cu lio ahcun ruah lo in kut ka kingh thawng a van theih. “Hello” mi nan umnak ma kawl holh in pakhat pa chimmi bia nih Henry cu a lauter pah nawn.  “Aw hi rak lut ko zeidah a herh” a tipah in kutka cu a van hun.  Cakuat bawm tein ca a van I putmi cu kawlpa nih a van pek  i, a van rel cu 

“Henry nai I rian na sokmi kha kan Company nih lunglawm tein kan in cohlan hmaizarh in rian thok colh ding a si lai caah thaizing khi kan Pu pa nih nangmah he biaruah an duh caah zinglei suimilam 10:00 PM ah rak ra te" tiah cakuat ahcun ai tial. 

Ai lomhtuk ah a chimzia hmanh a thiam lo a thir in a thir cakuat bite cu fekthup in ai thlaih . A thaizing cu an Pu nih hmaipanh tein a rak don .

Cu lio ahcun a fanu Angela timi ngaknu tleirawl te zong nih a pa cu a rak zulh ve. Mah hi ka fanu hniangbik a min ah Angela tiah kan auh” tiin  Amah nih theihternak a van tuah hna. Henry nih panh tein kan I ton cu kaa lawm tuk Angela” tiin a zanem te cu a van tlaih. An Pu he cun riantuan ning kong vialte cu an I chim dih hnu ah inn ahcun a hung tin. Henry nih an company a van tlaihcun ruah lo piin a hung thangcho chin lengmang.  Can rau lo ah an company riantuantu nih an uar tuk caah Manager ah an Pu  nih a van khinh colh. An riantuannak  an Pu bik fanu nih fanu hniang Angela nih a Pa riantuan cu a bomh pah lengmang ve tawn. A fanu te cu mirum fanu hrin a si hlei ah fimnak cangtang zong in sianghlei ruun tiang a dih cangmi a si caah khua chin channmi nih cun mithmaizah upatnak an pek tukmi ngaknu note a si. A mui aa dawh hlei ah a nunzia a tha . A sam hi a liangcaan in ai zuah , a titvun hi metheih min lai khi bangin in senngo cawh in a um caah ngakchia semno duhnung ko khi a hluan. A aw kaa a panhzar tuk caah mipi a chonh biak hna tikah ah an hnachung ah aa dawh tukmi ringawn tum khi bang in an theih i lomhnak in an khat. A chel caan ah a Pa riantuannak ahcun a rak ratawn .  

A chel caan ah Henry he rianbiapi deuh cu an tuahti tawn. An Pu pa zong nih Henry cu ai bochantuk caah rian hmete hmanh ah tlangval pa sin ahcun ruahnak a hal theu . Nikhat cu an Company rian he pehtlai in Rangon ah kal ding  a si . 

An Boss pa nih a mah kal lo in a fanu Angela le Henry cu kal ding in timhtuahnak a ngeih hna. zanlei riantuan dih ka ah an Boss pa nih Henry cu a van chonh i tuzan lei ah ka office ah rak ka tong te law bia ruah ding kan ngei tiah a chimhta hnu ah holh lo in a bawngbi zal ai purh I a mawtaw chung ahcun a kai tak. Henry nih lukheuh buin khua a ruah hnu ah aw  a tiah a leh.  Zanlei riantuan hnu ahcun an Pu  office ahcun a va kal. An Pu  nih Henry cu hmaipanh tein a rak don, a kut a tlaih hnu ah thutden tha ngaimi pakhat cu a van hmuh sak I  hi ka ahhin thu tiah a van ti. A tu I kan auhnak a ruang cu a tu hi Rangon ah kan riantuannak kong he pehtlai in kal ding a si caah Nangmah le Angela hi nan va kal lai.A herh hai ding vialte cu timh cia dih a si cang ko lai.

Zarh khat chung nan rau nan rau te lai tiah a van chimh. Henry nih  lak lawh ngai in,

" aw si ko kan kal ko lai " tiah a van ti. A thaizing cu kal ding an si cang caah Henry nih a ruksai te cu ai bei , Rangon lei kal ding in ai tim. Cu lio achun Angela cu jean bawngbi thlaun saumi ai hruk angki tet ngaimi ai he hi ti va zoh ah Rose mo ko khi a hluan. A sam cu a liangcung ah tisor bang in daipathlang in  a thlah thlorh. Ahmur pan ziziai te cu hmursensi sen tuk lo in a nehmi ko nih aa dawhnak a zualter khun. A zihmui rimthaw cu zing zipzil thli nih a van hranh, hi ti van cuanh ah minung hrinfa hmanh a si hnga maw? Ti awk tiang in duh a nung.  Pakhat hmanh sual puh awk um lo tiang in aa dawhmi Angela cu a pa mawtaw rang circer te a mah nih a van mawngh , a hnu zultu hna he cun an van ra. Henry  nih “aw nan phan cang maw? tiah mirh bu tein a rak don hna.

An pahnih in vanlawng bualrawn cun an kal ti .  Rangon lei ahcun an zuang vurmar. Henry cu nuhmei fa le chiate ia  thanglianmi a si caah Vanlawng a voikhat citnak a si caah ai lunghmuih tuk ah a mahpi lawng a mirh theu tawn. Angela nih lampi an khualchung vialte bia a ruah capo a  saih piak.  Henry nih bel nih a tihzah upatnak te he a chonhbiak caah a  biachim zong ai ralring tuk. Tlawmpal an zuan ah Rangon Vanlawng tualrawnpi cu an phan .  An riantuanti hawi hna nih an rak don hna. Hotel a  sang ngaimi pakhat ah an van chiah hna. Henry nih ka nau Khan dal pahnih in kan hlan lai mu tiah a van ti. Angela nih mithmai phing pah nawn in zeitin e, khan hnih a hau lo khan khat kan I za ko cu ta” keimah nih ka chimh hna lai a  ti. Henry cu a mit arti tia in ai au cang. A tha lo na pa nih phun dang in an kan ruah lai tiah a  van el. Dai te khan um ko keimah ka tuahmi tu hi ka zul kho tiah a van rak pah . Hotel khan cu pakhat an hlan I hmunkhat ah an thil cu an van I thumh.

Tisa hna an din ti hnu ah Rangon ahcun an pahnih in an I chok vak. Pangpar dum dawh hna le khaumi hmun naum ahcun nuam ngai in an tlong lengti. Hotel hna nih rawl thaw thaw an pek hna caah Henry cu aa lunghmuih tuk. Zan cu a hungmui I ihkhun pakhat ah it ti ding cu Henry nih a ruat kho ti lo. A mit au a  hman lo. A sinain Angela nih ngamtlak tuk in a chonh a hmuh tikah le a lungkil in a rak duh tukmi ngaknu a si caah a mah le mah bia aa el. Cu ticun zanthum tiang cu nichuah nitlak lei hoi in an it. Angela nih Henry he biaruah nak ding lam a kawl len tawn ko nain Henry nih a bia phih khawh aa zuam theu. Nikhat zing cu Angela tuan tein a tho I a mah nih lakphakti a ser dih hnu ah Henry cua  van auh.

“ Ka U Henry bia hal kan duhmi a um I mah cu na ka let kho hnga maw?” tiah a van ti. Henry nih aa ruah lo tuk in Angela bia a theih tikah a ar pah nawn buin aw ka hal ko nau. Kan riantuannak kong ahhin maw? tiah a van ti.

“A si lo nangmah pumpak kong kau hi theih ka  bia” holh lo in tlawmpal a van zoh. Hmai tonh in Angela niha  biachimi cu a dither rih lo na nu le na pa na chungkhar hi khoi dah an um? tiah a van hal. Cikhat te cu Henry nih holh kho lo in a um a lu ai muai van a  cau ta hnu ah duhsah tein a sining cu a chimh. Kei cu e ka van chia ka nu le ka pa nih an ka thih tak cang. Unau zong ka ngei ti lo tiah a van chimh.  A biachim lio ah a um khua a nuam lomi khi  a lo. A nu a nung ko nian a nu kong Nungak muidawh sin ah a sinign dihlak chim kha a rak I harh tuk ko rua. Aw si ngai tak e ka lung tha ve hirm lo tiah Angela nih a si khawh tawk in a van hnemh. Mah lei kha cu kan hal ti lai lo. Biadang ah kan kal lai? “A tu hi rian interview hlah tuha phun in hlah maw na ka ot” capo biatak in henry niha  van ti. A si loh cuh nang zong hi kan halmi cu ak let ko, Hnoh nawhcuah in Angella chimmi bia. A si ah tah University na kai lio ah Nungak na rak ngei bal maw? Henry a mit au ai dang, Angela bel cu a mah um kel in a sining ai thleng lo. Henry a hmai a sen pah.

Aw nugnak cu keimah lei cun kan rak ngei ve ko e an ka duh lo caah si ko” lih hlah a dik ning tein dahkaw kan hal cuh, capo in ka let hlah: thinhang bantuk in Angela nih a a bia a van tan.

Awa si ko Nugnak cu sianginn kai lio ahcun ka ngei lo. Nungak le Zu hi ka rak hrial bikmi cu a si . Angela nih mithep lo in a zoh caah Henry a umtu a a hman lo bantuk a hmalhma bantuk in a um. Henry a kam a van I seh Angela mitial dawhte cu duhsah tein a van zoh. Ngakchia mom te bang in a biang a bobmi hna le a awk a nembikmi Angela cu Henry nih a lungthin dihlak in a duh ko hmanhseh law I phuhrunak a ngeimi a lo. Hi tluk muidawh le mifim a pa nih le a rum tuk tungmi kei ka ca ahcun thingpar sang cung senri en hna a hluan sual lai ti a phan caah dai tein a um. “Si cun bia hal na ka duhmi tah a um ve maw? nangmah lawng kan hal I na hmai zong cu kan khap pah lo nain”  Angela nih zakzum nawn tein a  van chimmi bia.   Pehthan Te Ding 

Tlerlung

Melborne