catialtu: F. Lai Len
Atu
lio Kawlram fim cawnnak
Keimah B.A. course final ka kai lio
1972-73 kum ahhin, thesis tial in sayagyi pa sinah pek a si i, cu kan thesis cu
Oral Interview ah a tha tein dirkamhnak (defence) tuah a rak si. Cucu kan tuah
cio ve ko. A tlingtlak cang an kan ti tikah camipuai cu awn a si i, degree zong pek a si ve. Kan cawnrup in
kan thiam ve, ti khawh a si lai tiah ka ruah. Cu lio ahhin Kawlram chung
pumpuluk ah university le institute hi a zate ah (16) hrawnghrang lawng arak um i,
professor hi an zate ah (60) hrawnghrang lawng an rak si. A qualified taktak mi
le a tlingtlak taktak mi professor an si ve. University le Institute vialte hna
zong rumra ngei le, a tlingtlakmi an rak si dih ve ko.Nain, nain, nain,
na......in?
Nain, kum a rau ti lo, kum tlawmpal a si
ah duhsah duhsah tein cu fim cawnnak lei Education System pi cu hngerhte le
tuangtuan nih an hun ei cuahmah i, duhsah tein a hung rop thluahmah mi kha a
hmuthiam mi nih cun an hun hmuh thluahmah cang. Cuticun cu
4
Education System pi cu a leenglang hmuh
ah dawh zimziam, a chunglei hun bih ah a hung thu thluahmah cang. Kum a hung
rau deuhdeuh, a rawk deuhdeuh kha a si ko rua? Lai phungthluk i, “ A muite nihdawh zimziam, a voihte nih thu hletmat” timi kha a lo ko cang. Cu lengah cun uktu hna
zong a hun ithleng ciammam i, “Kawlram cu chan a zul khomi le athangcho mi
democracy ram ah kan ser cang” ti in aukhuan le kalpi a hung si hoi. Cu
ruangah a si lai cu: university/institute zong 150 lengkai, professor zong a thongthong in an um cang hi! Cu a thangcho
mi ram an sernak a muisam cu zeidah a lawh cang, ti kha kan chim cawk lai lo
nain, fim cawnnak lei ahwww.irrawaddy.org
website nih 2006 kum ah a tialmi cu,
Kawl holh in: “Lekwin thuthu tetkatu,
minmin tahmiah, pamauhkhah, tuaih-kaya-
lu-paraku” (Leikuang vialte zong sianghleirun ah an sak/ser dih, kan hmuhmi
sayate zong professor an si dih,kan ton mi hna poh cawnnak lei thiamsang palia
an si fawn) tiah a ti phah kha!Quality
tah a sang maw, sang lo?
Keimah ka theih tawk ah, Kawlram
education system hi 1976 tiang ah khan vawleicung dot ah arak itel ve ko. Ziah
tiah, Australia ram nih hin 1976 kum tiang i B .A./B.Sc. a awngmi kha a ning
tein a cohlan, a pomhlom ko hna. Kha kum
in atu kanmah lei hoih ah a cawngmi le a awngmi kha cu, a ning tein a cohlang,
a pomhlom ti lo. An rak cawncia le an rak awncia mi kha unit in an tuakpiak hna i, credit ah an
chiahpiak hna hnuah Australia ram ah
cawnchap hmasa a hau. Cu vialte an tlinh hnu lawngah degree pek a si. Kawlram
in M.B., B.S. a rak awngmi zong luhkhawhnak camipuai an tuah hna hnuah, a
tlingtlak mi kha kum (3) tiang an cawnchap hnu lawngah siibawi taktak ah an
cohlan hna. Hi bantuk hin a thangcho ciami ram ahcun, Kawlram fim cawnnak lei rak
awnmi le cawnmi kha a khing an thlai, an cekhlat hnu ah an tuah ve ko lai,
tihi ka zumh.
Hi vialte thil dawhdang lo a cannak a
hrampi cu nan theih cio bang, uknak ruangah a si bik ko. A cungsang bik uknak
lei ah reprai ngai in thil a rak si lo tikah, a tanglei tiang a hun den i, cu a
denmi zong cu aa reprai ve lomi mizapi
nih kan hun hman tikah thulak le man cikcek lakin kan rawhral nak hi a si ko
rua, tiah ka ruah. A si ah, kan biahram ah kir than cang usi law, ca lei fir
timi cu zeidah a si hnga? Zoh hmanh usi!
Fir
le tlei leiah zoh a chiabik mi cafir cu zei
hna khi dah an si?
Kan
Lai phungthluk ah “ Fir fir khat nih fir
zaa kuai” timi kha nan theih bal ko
lai. Ca lei fir hnu cun, zeidang lei fir le tlei zong kha an kut/an
lungthin nih a leem cang hna tinak a si
ko. A thangco ciami ram hna i fim cawnnak sianginn pipi hna nih ca firnak lei
an hmuhning le an zohning cu a tanglei bantukin a si.Pehthante ding>>>>
Comments
Post a Comment