Chungkhar Nu le Va karlak buai tertu thuhmi /hlennak Lungput Secret or deception that can destroy your family /marriage

By
Dr. Trina Read
Dr. Brian Parker
Hawi le Hna,
Thuhmi thil or Hlennak nih chungkhar nuleva ahrawh khawh timi mifim nih an tialmi kan hrawm hna. Keimah hmuhning ka chap zong atampi. Arel huam caah tthat hnem nak aum hnga maw tiah ka rak post tthan..
Zumhnak le Atluang tlam mi pehtlaihnak lawng nih chan chung a nguhmi chungkhar nuam aser tawn. Zumhtlak nun nak nih chungkhar dawtnak a tthawn ter hlei ah , nu le va kar lak pehtlaihnak ngan adam ter. Cubantuk in, hlen le thluak khuaruah le thuhmi ziaza nih zumhnak ahrawh I, Dawtnak zong arawh ter. Cucaah lihchim lo tein khuasak hi aherh tuk mi asi I, nuleva kar lak ah thuhmi zei thil hmanh um lo in chim le phuan aherh tuk mi asi.
Atanglei thil phun 6 hi thup lo tein na langher ahcun na chungkhar angam dam lai. Na thuh ahcun na chungkhar arawk lai.
1. Sining thil biapi kong ( Affiars )
Thinlung lei asi zong ah, taksa lei asi zong , lomhnak asi zong ah, ngaichiatnak asi zong ah , chikhat can asi zong ah, acang lengmang mi asi zong ah na sining hman mi kha na nupi/pasal( nungak le tlangval ) nih aa theih awk asi. Zumhtlak sinak na ser duh ahcun hlennak in ahram na thok awk asi lo. Hlennak le thumi thil he ahram na thok ahcun a donghnak zong hlennak le athlithup in adong lai. Na nupi/napasal nih na tuanbia /na sining hman cu fiang ten atheih ve awk aaa tlak mi sinak angei. Na sining dihlak a theihlo ahcun na nupi/napasal si awk ah aatlak lo tinak asi. Hlen lengmang mi nupi/pasal cu afak bik mi asi. Athuk bikmi Pehtlaihnak nih aherh bik mi cu zumhnak asi. Cu zumhnak cu na nun ter khawh lo ahcun na chungkhar anuam kho lai lo. Na thian ter dih cikcek aherh.
2. Na tuanbia hlun na thuh a herhlo ( Don,t hide your Story )
Micheu khat cu nungak le tlangval kan si lio ah lih kan chim tawn. Sifak le rethei kan si nak zong kha chim duhlo in, ,mirum le bawifa bantuk in kan I chim tawn. Mah le sining aa zahpi mi an tampi. Nu le pa , ulenau hmanh azahpi ngam an tampi. Pasal ( vaa) angei cang mi le nupi angei cang mi te hna nih an I pheh tawn I lih an chim tawn. Fa angei cang mi hmanh nih fa ka ngei bal lo tiah aa pheh ngam mi nu an tampi. Minih an ka theih sual ahcun ka sining hi aniam tuk ah an ka ruah sual lai tiah an sining chimphuan lo in , an thuh. Laimi lak ah ka theihmi an tampi hna. Kawl Tlangval nih lakfa poiter mi ( abortion) nau aa thah ter mi hna zong laimi ah an tampi hna. Asinain, an sining vial te hi pasal an ngeih tik ah a achim duhlo mi athup mi an tampi. Ti le rawl ei awk ngeilo sifak fa asi mi zong nih mirum tuk ban tuk in lihchim mi le porhlawt ahmang mi tampi an um. Mifel taktak asi mi hna nih cun tlangval nih an hleh tik ah fa pa zetzet ka ngei cang dakaw ti kha fiangten an chim ngam awk asi.

Kan pehthan te la>>>>>