Nu le va aa thiumkami nakhmanh hin caan sau aa thium
cangmi hna ko hi I tharchuah nak caah 0 a hlawk khun. Eicia arsa zingzan einak
in a khua mawchel meh phundang ei piak zong hi a rak hau theu tawn. Mipi lungfiannak ding caah tahchunnak ka vanlak
bia, nu le va sinak le eidin kong cu aa pehtlai lem lo. Nu le va dinak nihhin
titsa le lungthin kha ngandamnak rawltha a pek i, a thanter. Nu le va sinak ah a hlawhtlingmi hna cu zei
he hmanh tahchunh awk a tha lo. A sunglawi
tuk hringhran.
I tharchuha timi bel hi theihthiam zia a herh tuk
hringhran ve. A cheu nih khual sau nawn vatlawn hna khi nu le va kar dawtnak
tharchuah cu a si an ti. A sinain cu bantuk theng cu a herh lem lo. A biapimi
cu nanmah pahnih kar ah dawtnak a karh khawhnak ding caah I theihthiam tu hi a
biapi bik.
Nu pakhat nih a chimmi cu “ fa kan ngeih hnu cun a
hlan lio kanmah pahnih nu le va pehtlaih bantuk khan a si kho ti lo. A hlan lio
sining kha kan ngai than tawn. Rian lawng kan tuan I zeihmanh kan tuah thiam ti
lo. Nikhat cu kan pa he lo kan kal , ruah a sur tuk. Kan thlaam cu a zut tuk caah
thutnak zong a um lo ti lo. Kan pa cu aa phoih dih I, mah ahcun ka taksa duhnak
cu a hung tho ve, mah tic un kan mah pahnih te lawng zalawng tein nu le va lung
diriamhnak cu kan hmang kho. Ruah nih kan tak hnawmh zong a kan tlengh dih a si
nain kan pahnih kar ah zilthli kik zong nih an kan kham ti lo. ramlak zilthli
lak ah duhdawtnak tang kan I lumh” tiah an mah pahnih dawtnak thar chuahnak
kong cu a phuan.
Kum 50 pa nih a chim vemi cu’ kan nun cu uai lei a
panh cang I zei ti ti lo in ka um cang. Ka inn hmai ah arhmul tuknak chim tlak
lote kan tuah I kan fa le he kan tu tit awn.
A si nain kan nu he kan tuk ahcun ka thazaang a chuak I thar zong thar
ka la than tawn” tiah an I thar chuahnak kong cu a chim. Chim duhmi cu nu le va
kar ahhin I thar chuah nun hi ngeih hrimhrim a hau. Mah nihcun chungkhar
dawtnak kha fek tuk in hri a rak tem.
A tlamtlingmi nu le va sinak nih a chuahpimi
theihpar hna cu
1. Datnnak a karh I dawtnak chungkhar a chuahter.
2. Na nupi, na pasal nih nutling, patling, ka ngei
tiah nan I hngalh lai. Zohchunmi chungkhar nuam nan si ko lai.
3. Zohchun awktlak nu va nan si lai, mi nih
zohchunmi nu va chungkhar nan si lai.
4. Nu le va lungdiriamhnak nih pakaht le pakaht kar
ah I zumh ngamnak le tlaihchannak kha fek tuk in a ser khawh lai.
5. Nan lungthin a dam lai.
6. Caan sau then lai nan I siang lai lo, nan I hlam
lai.
Chirhchan: “CHUNGKHAR NUAM “ timi chung in lakmi a
si.
Comments
Post a Comment