NU LE VA SINAK KAR I BIAHALNAK ( Chungkhar dirh cangmi hna ca lawng ah)

            

1.      A tu I kan nuva kar lakah kan buainak bik cu, kan nu hi nau a pawi bal lo. Kan I thit-umhnak a kum le khau zong a sau ngai cang , nau ngeih le kan duh veve fawn ko. Kei hi kan rian ruang ah lam hla deuh ah ka um caah zarh donghnak lei ahhin inn ah ka tlung theu  tawn. Nu le va sinak zong kan tuah ko nain zeiraung ah dah nau kan pawi khawh hnga lo ruahnak cheuh kan herh ko?

A tanglei ka bia lehmi hi rak rel law naa fiang ko lai.

Thlachiar nu thineih ahhin, naupawi khawh caan nitlawmte lawng a si. Cu ni le caan I nu le va sinak nan tuah ahcun nau nan cuang kho ko.

Nau cuanhni hi nu nih an hnaglhkhawh. Thlafate a thi ngeih in nu nih a herhmi caan hngalh a herh. A fiandeuhnak in kan chim ahcun nu i a chiatha kha a cin (daam) lai ,  cheukhat cu an i hngal lo,an thut, an kal ah a cin ko lai. Tlawmpal ah a ro than colh. Acin lio caan zarhhnih hrawngah hin nu le va sinak tuah ahcun naupawi a fawite.

Naa cinken awk ah ruahnak cheuh kan duhmi cu.

Nau pawi fawi caan

Nu chiatha acin chung le

A cin a dongh nithum tiang.

Lydia Cakuat

Kan pa he kan I umhnak hi kum thum a si cang nain lungtling tein ka um kho bal lo. Ka diriam kho bal lo caah a caan ahcun ka ing hna  apuang tawn.  Lungtling lo ngai khin keimah le keimah kaa hal tawn. zeica tiah ak vapa nih zei tuah awk hngal lo lo? zei ruang ahdah keimah lungthawhnak le diriamhnak hi a ka tuah piak ve hnga lo tiah bia kaa hal theu tawn. Nu le va pumkhat sinak kan tuah khawh le cangka ka nuam la maw nuam lo ka van ti bak ah ka pa cu a hang chuak I tlawmpal ah a tum , cu khawh cun aa ka hngilh tak colh. Ka diriamh lo ruang ah thli tein ka tap tawn.

Kan pa sin ah cu kong chim phuan khawh ngamnak ding ah Pathian sin ah thla ka cam i Pathian nih ralthatnak a ka pek. Mah hnu cun kan pa he nu le va sinak le duhdawtnak khuailiti kan tlan lio ah keimah ka duhning kha zalong tein ka chimh ve. Ka chimh ning bantuk tein a ka tuah piakk tikah kaa nuam tuk ve, Nu cu kan I nuamh ahcun kan haang a chuak kho  ve ko, . Kam khat lei ah phun dang in a ka ruah sual lai ti ka phang ngai ko nain kan kar lakah dawtnak feh deuh seh ti ka duh caah ka phuan ko. A ngamh cu ka ngamh bak ve lo buin ka phuan ve ko.

Cu hnu cun nu le va si lungthawhnak tuahduh nak ka van ngei ve cang. Cu hnu cun kaa nuam taktak a par zik dong tiang ka phan. Keimahnak hmanh in ka darling a rak i nuam deuh ve. A ruahmi cu “ a tu cu kan nu hi zeitluk in dah a lugndi ka riamhter lai I, a lung ka tlinter khawh lai ti kha a zuam cang.

Chirhchan: Chungkhar Nuam timi cauk chung in lak thanmi a si. Biapeh mah hi hur duhcuainak ah a si hrim lo minung sinak nih a chuahpimi taksa duhnak si lo ah NU le Va chungkhar pehtlaihnak a feh khawh deuhnak ding caah van tarlangh thanmi a si.