Catialtu: Stephen Ral Eng
2015 Thailand Pegeant Miss zuamnak ah Pakhat nak le Pathum nak a rak hmumi hna nu ngak pa 2 an hmanthlak ka zoh ahcun ka lung ahno i, khua aka ruah ter tuk hringhran..
Minung sining ah micheu khat nih sifak/santlailo cu serhset le nautat asi tawn. Mi nih zohchuak le zeirel lo lawng si loin, mah le mah zong sifak le santlailo ka si tiah i zahpi ahmang mi kan tam ngai tawn. Apoi tuk ka ti.
Laimi lak ah mah le mah zahpi lawng hmanh si loin, nu le pa, ule nau, cingla rualchan a zahpi mi tampi ka theih tawn hna. Voikhat cu pakhat nu cu fapa 2 a ngei i, apasal he an i tthen. A fale pa 2 cu api le pu sin ah achiah/kal tak hna i, Pasal dang tlangval no te avat than. A pasal thar sin ah fa ka ngei bal lo tiah ahlen i, ahrinmi afa le cu azahpi hna..Mah le hrinmi fa le hmanh azahpi mi le an ka theih sual lai tiah athin aphang mi hna lainu an tampi...Culawng asi rihlo, Laimi zong mah hrinmi fa zong an zuar i, mi an cawmter mi te hna an um. Laimi ka si ti hmanh kawl le miphun dang hmai ah zahpi ahmang mi an um rih. Min thannak le teinak an hmuh hnu ah an hnu lei sining an philh tawn. Kuzia arak zuar bal mi nu te kha mirum taktak ah achuah..Pakhat pa nih kunzia nan rak zuar lio te kha ka theih peng rih tiah avun ti..Mirum asi hnu ah hlan asining kha aaphilh i kunzia ka zuar bal lo/na lihchim hlah tiah aa pheh..
Laimi tampi , Nu le pa lo thlo le thingphor an si ruang ah zahpi ahmang mi an tampi. Degree thiam sang a kan phak ter tu Nu le Pa upat peklo in, nehsawh le zahpi kan hmang tawn hna. Mi hmai ah thilchia le puanchia an i hruk hmanh ah kanu/kapa asi tiah kan chim ngamlo i, zahpi nak thinlung kan ngei tawn. Bia hal awk ngai asi. nang tah na nule napa azahpi bal mi na si maw ? mi hmai ah porhlawt pi duhlo in, an ka theihsual lai tiah na zahpi bal hna maw ? Na sining dah na philh ve tawn??
Thaland miss zuamnak pakhat nak aco mi nu hi anu le pa an rak i tthen. Tanghra asi hnu ah sianginn kainak phaisa angeitilo i aphuak mi asi. Anu cu hmunthur pung fim le nilin lak rianhrang tuanbu te in pawcawnnak rian atuan mi asi.
Thailand miss Pa thumnak aco mi nu te zong hi Apa cu lamcung ah rawlhal in avakvai mi ( tadawngsa) asi. Zu le ritsi dah tilo zei hmanh aruat kho tilo mi asi ve. Lamcung ah avak mi minung le hmunthurpung fim in anungmi hna an fa le zong Thailand miss pakhat nak le pathumnak ahmu kho tu tiang an phan kho ko... Miss ( Muidawh minthang) an si tik ah an sining an philh lo i, an ithoknak lampi an kir than.
Vawlei cung ah hin, izuam ahcun sifak fa zong nih mirum le mifim an si kho ko hna i, Mirum le mifim zong kha, mihrut le misifak bik ah an phan kho than tawn ve ko. ( Zuding saei fa /Sifakfa te hna nih zei dah atuah khawh lai tiah laimi nih mi kanrak nautat mi hna lungput kha ka mithlam ah acuang tawn). Voitampi cu nautat le nehsawh ka tong ngai ve tawn nain, Pathian nih aka cawisan ruang ah a ka nehsawhmi hna nak sang deuh ah aka cawi tthanmi zong tampi aum. Cucaah midang nautat le nehsawh hi kan lungput in hlawnh aherhmi asi. Cuve bantuk in, Nu le Pa , ulenau , rualchan sifak/santlailo ti in , zahpi le nautat na hman lo nak ding ah Pathian sin ah thlacam na herh rih. Pathian kan theihlo tuk ruang ah zahpi nak thinlung le nautatnak thinlung kan ngeih mi hi asi. Pathian athei taktak mi nihcun mivial te upatnak le hmaizah nak an pek khawh hna..
Thailand Miss Pa 2 hna nih teinak an hmuh tik ah an sining an i zahpi lo/ an dirhmun te kha mihmai ah an i chim ngam. An inn le an lo chiahru te zong an i zahpi nem mamlo i, an kir hnawh thiam thiam... Nangtah , na pasal na zahpi sual maw? na hrin mi na fanu le nafapa na zahpi sual maw? Na unau na zahpi sual maw? Na khua na ram na zahpi sual maw? ti hi rak i check ve cio tuah usih. ( Khawi ka in dah ka rat ti na theihlo ahcun aho dah ka si ti zong na thei ti lai lo) Lairam le Laimi phun zong zahpi hlah usih. Kan mah le kan sining hi porthlawt pi usih. Upat nak ngei cio usih.
Jesuh nih ( Mark 8: 38) ah Keimah le kapa cawnpiaknak a kazahpi mi cu ka zahpi ve hna lai tiah ati. Pathian nih zahpi aduhlo. Kan zumhnak zong mihmai ah zahpi hna hlah usih.
Thailand Miss Pa 2 an sining hi upat awk tlak mi lungput asi.
Catialtu nawlhalnak in ka van thlah thanmi a si.
Comments
Post a Comment