Adelaide Tlawngpa Dairy

kan sianginn khar a hung nai zuahmah cang, khar lio inn um sawhnak cun tiah khualtlawng dingin timhlamhnak ka ngei. Khua ka ruat , Adelaide tlawn ah a ttha bik lai tiah bia kai khiak ( a ruang cu ka nu u le an um hlei ah khuami dang zong va tlawn) kai tim. Adelaide hi South Australia State   khualipi a si. A khuacaan bel  lin ngai tawn. Chinmi zong thongkhat leng cu an umnak hmun a si. Kan umnak Melbourne in Virgin Airlines kai cit, keimah lawng vanlawng khualtlawn voikhatnak cu si kaw ka lau pah nain dam tein kai tinhnak ka phan kho. Vanlawng tualrawn ah Boihte pa le Bawi Hup pa, U Van nih an rak ka don. An ka timi cu " Nangmah don ruah ah riantuannak in kan van lan an ka ti" kai lawm tuk nain an hmai cu ka khap bak hna lo. Minutes 45 fai kan kal hnu ah ka nute le Inn kan phan.  Zan cu a tlai cang caah kiangkap mi thawngpang a dai. Tuan ah ih kan it colh ve hna. A thaizing cu kan hawipa a mawtaw in an kan  chawh pi.   Elizabeth Plaza timi ah kan kal an dawr a ropui ngai. Khua kiangkap deuh ah a um ko nain a thiangthlim ngai.

Kan Chinmi a tam deuh cu Australia Government I a tuahmi mirang holh cawnnak ah an kai hna. Phung ningin riantuan hi an tlawm, a sinain lo kal misur ngeceh (Farm ah pruning ceh , khazian-chinti lawh) ti bantuk hi a tam caah rian ngei ah an cang. A cozah nawl onh cu a si lo nain, an phaisa hmuhnak cu a tha ngai. Kan nih umnak Melbourne hi " kan min lawng a lian, riantuan lem lo a cozah kut to " deuh in kan um. Lo kalnak kong cu a hnu ah a dang tein ka van tial than te lai. Adelaide Chinmi khrihfabu hi Chinmi nih zohchun tlak taktak cu an si.  Bu khat ah tla thipthep tein in I fumtom hna. Falam , Tidim, Matu cu an um ve, a fawinak chim ahcun  bu  then khuai hi a um tuk lo. Ka upat hringhran hna Laimi kan lungput lak ah ka huat bik mi" Adelaide I a um mi Adelaide Chin Christian Church ( ACCC) mah ti I dawte a um ko mi cu khual an va neih caan ah a cheu nih sau nan awk lai lo nan kuai tuante ko lai tiah huatnak ci an va tuh piak tawn hna" kan i ralrin a hau. An chungtel zong a za fangte an si. Mino zong an lung an i rual tuk 2013 lio ah Australia Chin Christian Youth Fellowship ( ACCYF ka palh ahcun ka ngaithiam te uh) Conference pi ah hlaremh le pumpuluih chuih ah pakhatnak bak an rak lak. Mah hi thon in minthan hram an I thok. An Pastor Cung Hnin nih a umpi hna hnu in thancho lam an panh chin lengmang.

Nikhatni in Ningani tiang hi lo kal deuh in an caan an hmang hna a ruang cu a tu lio hi misur nge ceh lio a si caah nihlawh zong a tha ngai. Cun pakhat ka upat tuk rihmi hna cu, an fale fimnak hi hmaisuang bak ah an i thlak. Sianginn zong hi a that deuhnak pumpak sianginn (Private School) ah an chiah deuh hna. Cun an nih lei hi mivan tha an sinak kaa dang state he kan I dannak cu riantuan lo zongin phaisa ngeih ahcun Inn cawk khawh a si. Kan nih umnak Melbourne cu riantuan lo cun inn cawk khawh a si lo. Cu chinchap ah Australia hi ramtha kan ti nain zapi rian tlaih khawh dinghi a har ngai. A cozah nih mipi caah rian a sermi a tlawmtuk. Riantuan lo ahcun sianginn kaiter a si ko. Mirang ca cawnnak kha cozah nih a lak tein an kan tuha piak, kai lo ahcun cozah nih bawmhnak a pe ve hna lo. Riantuan lo ahcun sianginn cu kai hrim a haumi a si.

Adelaide hi inn man zong ai deng ngai a sinain " mikip nih an ka halmi cu kan ti hi nai ziak maw? Kan khua cu a nuam maw?" ti a si. Ka dang a tlawngmi hna nih hi pahnih hi an rak soisel tawn hna rua. An ti hi “a thaw lo” tiah an ti, kei cu a ruah awk ka hngal lo. An khuate tuk tiah an soi hna ti ka theih tikah a ka ciah tuk ka nih zong a  chuak ngai. A ruang cu Lairam kan sining kha philh in Melbourne chuakmi le khuapi fa thangmi ah kan i relrua mikhua zong kan va soi ngam ve ko hna.

An City ah ka hawinu Parte le Khamh Bawi nih  an ka chawhpi a nuam ngai. An khualipi hrim a thianghlim tuk a hmunham bel cu a bi ngaite . A kam ah thingkung mangtara an I suangdul hna a kam ah Saram zuatnak le thingkung cinnak dum dawh a um nain caan kan ngeih lo caah kan kal manh ti lo. An khuapi cu zoh ah lunghmui ko inn hlun pipi hna le pangpar dum dawh hna zoh ah lungthin a dai. Nikhua chia ngai nain a nuam tawk fang a si ruahbel a sur lo.  Kan vanttha ngai. Facebook I ka hawikom tete hna he kan I hmu , kai lomhnak a ngan khunmi cu  Thlalang Biazai tialthiam Pu Biak Hlei Saang te inn ah ka va riak hna. Sau lak bia kan I ruah zan ah Wualkhap kan zoh pah . Facebook ka hawile chungin Jasmine Par le Micky Lay Falam hna he zong kan I hmu hna. Tutan ka khualtlawn cu lungkhan a si. Kai lungsi kho tuk hringhran. Phanka ah chungkhat tete nih rawlhrawm an ka kawh , Esther pa te inn le bang cu ka pal manh ti hna lo ka liamsia herh tuk nain caan nih a ka pek ti lo caah hi capar in ka lawmhnak ka langhter. Adelaide Chinmino an hmurka a ttha an mithmai a panhzar. An sin ah ka um chung caan tawite keimah hmunhma um in ka um. An sinah tampi thil ka cawn, ka nunnak ah remh ding zong an sinah ka lak. A sau deuh sual pangah a hnu ah a dang ka van thai tthan te lai.

Sang Lian Thawng ( Tlerlung)
Adelaide camchung dairy

8/july/2014

A liamcia ka capar ka van thar chuah.