Laitlang Kong-1

                                                  

   By F. Lai Len                               

                                                           

Laimi tampi (Falam, Hakha, Thantlang le Matupi pengmi) nih ‘Laitlang’ tiah kan ti lengmang mi le, atu nihin ni ah 1974 kum January thawkin “Chin State” timi cu 1890 kum hlan ahhin anmah le an khua le an ram cio ah miuk hna (khuauk le ramuk bawi hna) hmangin mahte in a rak i ukmi ram a rak si. 1890 kumthar thawkin mirang hna an rak rat i, 1896 kum January ni 1 ni ah Laitlang (The Chin Hills) cu England siangpahrang a kut tangah ukmi ram ah kan chiah cang tiah vawleicung ah thawng an rak thanh ni  thawkin, mirang ukmi ah kan tla. Culio Laitlang cu mirang hna nih ‘Chin Hills District” tiah rak auh a si i, culio Chin Hills District ah aa telmi pengpi hna cu: Tedim peng timi “Tedim Sub-Division”  (atu ah Tedim peng le Tonzong peng, Ci Kha peng cheu telhchih in), Falam peng timi “Falam Sub-Division” (atu ah Falam peng, Rih Khawdar peng cheu telhchih in), Hakha  peng timi “Haka Sub-Division” (atu ah Hakha peng, Thantlang peng le Matupi peng, cu chungah Rezua peng cheu telhchih in) hna an rak si.

Cu Sub-Division pathum hna kha “The Chin Hills District” tiah an rak auh i, Falam khua ah HQRS – Head Quarters  (Capital City – Khualipi) ser in Deputy Commisstioner timi Zipengpi pakhat nih a rak uk hna. Chin Hills District khualipi a simi Falam cu 1948 kum Luatnak (Independence) kan hmuh tiang a kum in kumpi (52) chung Laitlang khualipi a rak si.

Cucaah a tanglei ningin theih khawh a si.

1.1896 – 1948…………..’Chin Hills District’ tiah auh a si.

            (a)Capital City….Falam

            (b)Chief Executive Officer (CEO)….DC (Deputy Commissioner) – Zipengpi

            ©  District a min…Chin Hills District

            (d)Sub-Division zung hna..1) Falam

                                                       2)Hakha (atu Hakha, Thantlang le Matupi township)

                   3)Tedim (atu Tedim le Tonzang township)

Cu Sub-Division timi Pengpi hna zung ahcun Sub-Divisional Officer (SDO) pakhat cio nih zungthut in rak uk  a si. SDO timi Vuanthokpi 3 hna a uk chintu ah Zipengpi a simi Deputy Commissioner pakhat nih Falam khua in a rak uk hna. Cu Falam khua i a ummi Deputy Commissioner (Zipengpi) zong cu Magway Division Commissioner (Mangki) kut tangah a rak um ve.

Note:  (1) Culio Kanpelet peng le Mindat peng hna cu Magway Division chungah aa

                 telmi Pakokku Hills Tract ah an rak chiah caah, Pakokku khua ah a ummi

                 Zipengpi DC tangah an rak um. 1928 kum a phak tikah cu hna peng 2 cu

                 mirang acozah nih Chin Hills District chungah an rak khumh hna.

            (2)Paletwa peng cu mirang acozah nih Arakan Hills Tract chungah an rak telh i,

                 Akyab tiah rak auhmi Sittwe khua i a ummi Zipengpi DC kut tangah a rak um.

                 1948 kum Independence kan hmuh tik ceo ah Laitlang chungah rak khumh a                

                 si.

            (3)1948 kum Independence kan rak hmuh tikah “Chin Hills District” cu “Chin

                                                                        -2-

                 Special Division” tiah min rak thlen a si. Cu lengah Kanpelet District tiah

                 District pakhat 1948 kum ah an rak ser than. Kanpelet ah Zipengpi DC a rak

     thu ve. Asinain, 1958 kum ah District zung cu, Kanpelet in Mindat khua ah an

     rak thial than caah, Mindat District tiah  auh lan a si cang. Cuticun “Chin

     Special Division” cu Falam District le Mindat District ti in then a rak si.

(4)Uknak cu a rak i thleng lengmang i, 2013 kum a phak tikah, chaklei Laitlang

     ah khan, Falam District kha pahnih in an then than hoi. Cucu Falam District le

     Hakha District (Hakha peng le Thantlang peng) an si hna.

     Cucaah atu liote Chin State ah:

            -Falam District

            -Hakha District (2013 kum thawkin)

            -Mindat District tiah………District pathum a um cang.

(5)1948 kum ah Independence kan rak hmuh caah le, Chin Hills District kha  

     “Chin Special Division” tiah an rak auh caah, acozah riantuannak lei (nawl  

      chuahcia mi a  kalpitu) a nganbik a simi Mangki (Commissioner) zong Falam

      khua ah an rak chiah. Ahmasabik Laitlang Mangki cu Sithu Thein Maung   

      (Kawl) a rak si. Hi Mangki pa a cungah nawl a ngeibik mi cu Chin Affairs

      Minister a si i, cu pa abawmtu cu Parliamentary Secretary (atu ahcun Deputy

      Minister) a si. Chin Affairs Minister cu Laitlang ah nawl a ngeibik mi (Chief

      Executive Officer – CEO) a si i, Mangki (Commissioner) cu Minister le

      acozah nih a fialmi rian pawl kha a tuantu (Chief Operating Officer – COO) 

      a si.

(6)1948 in 1965 kum June thla tiangah, Falam District ah aa telmi peng

      (township) hna cu:

            -   Tedim Sub-Division (Tedim township le, 1966 kum ah township a   

                 pekmi Tonzong township)

-          Falam Sub-Division

-          Hakha Sub-Division hna an si.

(Hakha Sub-Division pengpi cu a kauh tuk caah, Matupi kha 1948 kum ah Sub-Division an rak pek.           Ahmasabik Matupi SDO cu Surkhua mi Chief  Pu Van Kio a fapa, Pu Ni Uk a si. Cu hnu ah Hakha Sub-Division zong cu a ngandeuh thiamthiam caah, 1966 kum ah Thantlang township an pek ve. Thantlang peng a hmasabik T.O. (Township Officer) cu Falam peng Lumbang khuami Pu Hlum Tling a si). Cu lio ah Thantlang cu inn 120 an rak si. SPS sianginn a rak um.

Theihfian ding hna: 

(1)(Capital City) Khualipi a sullam: Vawleicung khuaza vantoi ah an ram cio i a sangbik le a nganbik a uktu/nawl a ngeibik tu an umnak khua kha Khualipi (Capital City) tiah auh cio a si. Cu khua cu a nganlo ko zongah, ahmet ko zongah uktu nganbik/nawl ngeitu nganbik  a um pohpoh ahcun, Khualipi (Capital City) ti a si ko. Abiana ah: Australia ram hi zoh hmanh! Canberra khua cu hoi khuapi hna lakah khua

                                                                        -3-

hmete (minung 100,000 fai umnak) khua a si ko nain, Australia ram ah nawl a ngeibik le uktu a nganbik a simi Prime Minister a umnak le, zung a kainak, cun Australia Ramhun a simi Governor-General zong a umnak le zung a kainak hmun a si caah, Canberra cu Australia ram ah Nation Captial City (Rampumpi Khualipi) a si ko.

(2)Sub-Division le Township: Sub-Division cu Mirang hna nih an rak sermi a si. Sub-Division cu pengpi tiah ti khawh a si i, Township cu peng tiah, ti khawh a si ve. Laitlang ahhin 1896 in 1965 tiang khi Sub-Division biafang an rak hman i, 1966 hnu cun Township biafang an hman cang. Thil si ningcang a umtuning ah Sub-Division cu a ngandeuh i, Township cu a hme deuh ve. Peng hmete a simi Sub-Township zong khi Kawl acozah nih a sercop mi a si. Nain, Township tang ah a um thiamthiam.

2.1948 – 1974………..”Chin Special Division” tiah auh a si.

(a)Capital City…(1)1948 – 1962 tiang Rangoon (Chin Vuanci zung a thutnak)

                            (2)1962 -  1965 tiang Kalaymyo (Chin-Oo-Zi Aphueh zung thutnak)

                            (3)1965 -  nihin ni tiang (Hakha khua)

Hakha khua cu 1965 June thla thawk in Laitlang a uktu “Chin-Oo-Zi Aphueh” chairman le chungtel member pawl an rak i thial le zung an thut thawkin Laitlang i kan khualipibik
(Capital City), Kawl holh in “Myodaw”  a si i atu tiang a si lan ko.  Commissioner timi Mangki a umnak khua kha, zeitik hmanh ah, khuazei ram le hmun hmanhah “Myodaw” timi “Capital City” tiah auh a si bal lo.

3.1974 in nihin ni tiang…..”Chin State” tiah auh a si.

4.Cucaah atu Chin State i khualipi (Capital City) hna cu:

(1)Falam ……….1896 in 1948 tiang, kum (52) chung, (DC Zipengpi zung a thutnak)

(2)Rangoon……..1948 in 1962 tiang, kum (14) chung,(Chin Vuanci zung a thutnak)

(3)Kalaymyo……1962 in 1965 tiang, kum (3) chung, (Chin-Oo-Zi Aphueh zung thutnak)

(4)Hakha………..1965 in atu nihin tiang, kum (49) chung, cu ahcun;

(i)Chin-Oo-Zi Aphueh cu 1965 in 1972 tiang, (cu Aphueh pawl Hakha khua i an thial taktak cu April 1966 ah a si)

                                    (ii)SAC cu 1972 in 1974 tiang,

                                    (iii)Chin State People Council cu 1974 in 1988 tiang,

                                    (iv)Ralkap uktu pawl 1988 in 2010 tiang,

                                    (v)Chin Chief Minister le vuanci pawl cu 2010 in nihin tiang.

(Theih awk: SAC timi cu Security and Administrative Committee ti a si. 1988 kum ralkap uknak lio ah, Chin State Law and Order Restoration Council (SLORC) nih an uk i, cu hnu ah Chin State Peace and Development Council (CPDC) tiah a min an thlen i 2010 tiang uk a si).

5.Chin State CEO (Chief Executive Officer) hna:

                                                                        -4-

(1)1896 – 1948…Deputy Commissioner (DC) Zipengpi hna, Mirang pawl

(2)1948 – 1952 ...Chin Affairs Minister (Pu Vom Thu Maung – Mindat)

(3)1952 – 1954 ...Chin Affairs Minister (Pu Shein Thang – Mindat)

(4)1954 – 1956…Chin Affairs Minister (Pu Za Hre Lian – Falam)

(5)1956 – 1958 ...Chin Affairs Minister (Pu Za Hre Lian – Falam) October tiang

(6)1958 October in 1959 January kar  thla 3 chung Chin Affairs Minister Pu Thang Lian -- Falam)

(7)1959 Jan in 1959 December kar thla 11 chung ,Chin Affairs Minister (Pu Ral Hmung – Hakha)

(8)1960 – 1962…Chin Affairs Minister (Pu Za Hre Lian – Falam)

(9)1962 – 1972…Chin-Oo-Zi Aphueh Chairman (Maj. Son Khaw Lian – Tedim)

(10)1972 – 1974….SAC Chairman (Col. Khen Za Hmung – Tedim)

(11)1974 – 1978...Chin People’s Council Chairman (Lt. Col. Kap Cung Cung – Falam)

(12)1978 – 1981…           -       do       -                     (Lt.Col. E.K. Kim Ngin – Tedim)

(13)1981 – 1985 ...           -       do       -                     (Lt.Col. Khai Mun Mang – Tedim) 

(14)1985 – 1988 …          -       do       -                     (Col.  Son Khaw Vum – Tedim)

(15)1988 – 2010 …SLORC le CPDC Chairman (Kawl ralkap Colonel pawl an si i, a hnubik CPDC Chairman cu Mindat lei mi Brig.Gen Hung Ngai a si)

(16)2010 - 2016   Chin State Chief Minister (Ex - Brig.Gen Hung Ngai – Mindat)

(17)2016 -  ?        Chin State Chief Minister             (Salai Lian Luai, Falam)

6.Atu lio Chin Sate a umtuning:

(1)   District 3         -           Falam, Mindat, Hakha

(2)   Township 9     -           Falam, Tedim, Tonzang, Hakha, Thantlang, Mindat,

                                    Matupi, Kenpelet, Paletwa

(3)   Sub-Township 4 -        1)Cikha (Tonzang Township chungah a um)

2)Rih Khaw Dar (Falam Township chungah a um)

3)Rezua (Matupi Township chungah a um)

4)Sami (Peletwa Township chungah a um)

      (4)State Capital City-        Hakha (2014 Milu relnak ah minung 48,000 an um)

          (Chin Ramkulh Khualipi)

      (5)Second Capital City -  Matupi

      (6)Biaknak                                    Christian (80%), lengah Buddhist le Khuahrum biaknak,

                                                Laipian Pau Cin Hau biaknak, Muslim biaknak zong chim

                                                tlaklo te an um ve.      

(Note: Hi cathluan hi 2010 lio ah ka rak tial i upadate ka tuah lengmang mi a si.)