Lairam hi ram sifak pakhat cu kan si. Kawlram chung , kan vawlei sining hna dirhmun in kan tuak tikah kan si a rak fak ko. Kanmahnak harsa hna Africa ram ah tampi cu an um ve sok ko, India zong hi Democracy ram cu a si ko nain kutdok in lam kam ah a vaivai an tampi ve thiam. Australia zong ram tha bik Melbourne zong cu Vawlei cung khua vialte lakah khua umnuam bik ( Vanram pahnihnak) hi voi 7 nak a co a si.
Melbourne khua lupi cu um a nuam tuk hringhran a nuamh tuk ning hmur kaa in ka chim kho lo. Kan duh mi poah a tling, pum sa duhnak diriamhnak lei zong ah a tling kho tak tak. Laimi zong tampi kan um hna. A sinain in an mah Australia minung a si lo ah mi phun dang he naih naim tein khuasa mi bel kan tlawm. Kan mah miphun khat hi kan vai i leng kai, kan i daw hna athatuk thiam ko.
A tak ahteh Australia Chinmi hi kan nunning le kan khuasaknak ah kan i nuam hlei maw? ( Ka chim ko ahcun nuam hlei naisai hlah, A zaih cun hme kan i nuam la? ka peh rih lai) A cozah nih rian ngei lo, sianginn kai lio kum tling hi thlakhat ah $ 1000 pek a si , zarhhnih ah 550 an in bank acount ah an rak luhter tawn. MAah cu kawl phaisa thlen cun thlakhat caah Ting 10 hei ti ko usih ( wow rian tuan lo in ting 10 nan hmuh cu nan i nuam tuk lai cu teh) ti awk in khin a um nain a tak le ngai lo ahcun kan i za bak lo. Kan nihlawh a san bantuk in kan hmanmi a tam tuk ve.
Inn chungkhar caah mehangso zalh i dawr kan kal ah a tlawm lei $ 300 cu kan dih bak. Inn mah hi mipak ( Chungkhat sin a um nih $ 500 an pek ) an mah herh bau le chungkhar zohkhenh rih ahcun kan i za bak lo. Phone man pek hau. mawtaw man , Biak Inn cheuhra cheukhat zong a si, a dang thawhbur, le mah duh herh kan i sa bak lo. Kan i za hrimhrim lo.
Rian a tuanmi nih teh zeizat dah kan hmuh?
Australia ahhin riantuan tu phun hnih in kan um hna. Cozah sin ah ngunkhuai a pemi le a pe lo a thlithuk in rian a tuanmi . athlithup lih hrakhrol in a tuanmi hi Australia cozah nih ahuat bikmi le a fih taktak mi a si. Lo kal i thazaang fak piin riantuan, hmuhmi tlawmte, laimi zong tam taktak nih kan tuan mi lo kal( Lo kal ahhin thingtheih lawh, lo thlawh, a dang dang hna an si) hi cu cozah nih a huat tukmi le a fih tukmi a si.
Phung ning in cozah sin ah ngun khuai a pemi hi Australia Labor phung ning in Casual an si ahcun a tlawm bik $ 22.70 hi pek ding a si, Full time permanent a si ahcun a tlawm lei ah $ 17 in thok a si. Full Time permanent hi hmuh a har ngai an hmuh bak ahcun a sung lawi tuk ve. Zeiruang ah dah a sunlawi, an mah minung si ding caah an in cohlan cang caah a si. na zawt tik zong ah phaisa an in liamh la. Holiday caan zong kha zalong tein an in pek la.
Kha cu chia ko rih u sih a dang lei ah kan kal lai.
Ramthumnak phanmi nak in Chin ram hlum an rum deuh
Mah hi na zum maw? na zumh lo ahucn na mak bak lai. Asi bak. Ram chung um nih ks 30,000,00 a ngeimi an tam tuk. An tam taktak khi a si. USA ahucn $ Million a ngeimi an um ko lai, an um tuk cang, a sinain an mah USA bang in an ngeihchiah khi an chim duh lo bia. Kamah Australia ah teh a ngei ding hi kut dong khiak bak kan si.
Laitlang ah phaisa kua deuh hi Australia lei zong kan si khoe deuh men a ruang cu khua ruatrat lo kan tam tuk caah a si. Laitlang ah mirum mithawng lian an tam tuk cang. laitlang an dirhmun le Australia kan dirhmun cu tahchun awk kan tha lo. Kan nih cu hlan lio pipu phung thluk an chim bang" chung thu lengnal kan si"
Laitlang khau sa hna khi keimah ka chim ahcun" Lengthu chungnal" a tleu bak in a tleu mi an si. Mah cu a dik bak. ka peh rih lai. Australia ah zaran kan nihlawh hi $ 17 in 40 tiang hrawng a si. HI cung lei a hmu cu peiza khan khi an si. An i bengbai. Kna hmuhmi le kan hlohmi tuak ahcun ai khingkhang lo tuk. Laitlang lei hi a let in an rak ruk deuh. harsa cu an tuar tuk ve ko . A cu tu cu a cung lei par pavuan kha ka van chok bia heih.
Tlerlung
Comments
Post a Comment