N. Korea nih S.Korea Journalist Minung pali thidan a pek hna | CBN

31 Hniang 2017 North Korea cozah soiselnak le North Korea soiselnak zamh ruang ah S.Korea Journalist minung 4 cu N.Korea cozah nih thihdan an pek hna. 

Hi pali hi kum 2015 lio ah Seol khualipi hrambunh a si mi British thawngzamhtu minung 2 nih North Korea ramchung thil sining an rak tial mi kha, Korea ca in an zamh ruang ah a si. Hi capar chung ahhin North Korea ram mipi hna nih nifatin an umtuning kha diktliar in an tial. 

North Korea ramchung ah S.Korea drama hna kha a thlithup in an zuarzamhnak kong le fashion, sam tuahning tiang in an nawl an i cawn tiah a diktliar tein an tial. Tutan ah thihdan an pekmi South Korea Journalist pawl hi luatnak ding ah ngaihthiam halpiak khawh a si lai lo i, zeibantuk caan, zeibantuk hmunhma hmanh ah thah khawh an si tiah, North Korea biaceihzung nih an thanh. 

An mah pali lawng hi North Korea ah thihdan a pek mi an si lo. Kan hnu naite ah President sinak in thlak a si mi President Park Gun-hye le South Korea minigatu minthang upa pakhat zong thah ding in nawl an rak chuah bal.

 Ch: Mizzima