1 Zing 2017 A tulio vawleicung ah a rumbik cazin hmaisuang a tlai lengmangtu Bill Gates lonh in vawleicung mirumbik sinak a hun tlaitu hi Amazon.com ngeitu Jeff Bezos zong a si ti lo.
Forbes Magazine nih a hun thanh ning ahcun Spain thilpuan zuarnak company Inditex company a ngeitu Amancio Ortega a si.
Amancio Ortega hi Spain ram Galicia ah a company hram a bunh i, a company tang ah thilzuartu Zara dawr pawl thawng in Bill Gates a hun lonh hi a si.
Ortega hi a luancia kum sawmthum hrawng khan Inditex company dirhtu pakhat a si i, tutan lawng hi vawleicug mirumbik cazin ah ai tel a si lo. Billion 85 in a tu hi Bill Gates a tei lio a si.
A tulio ah Bill Gates nih a ngeih mi phaisa hi Billion 84.9 a si i, tlawmpal lawng a thlau ti khawh a si. Amazon ngeitu Jeff Bezos hi a tulio ah Billion 82 in a pathumnak a tleih lio a si. Mirum minthang Warren Buffet nih an hnu in a hun zulh hna i, Facebook CEO Mark Zukerberg nih a hnu in a zulh ve lio a si.
Ortega nih kumkhat ah nuai 400 lengmang a hmuh.
Kum 81 a si cang mi Ortega hi a riantuannak ah tamtuk ai tel kho tilo nain a phaisa miak mi in innhmun zuarzamhnak lei ah phaisa hram a bunh ngaitu a si tiah Forbes Magazine nih a thanh.
Ch: Akhayar
Comments
Post a Comment