C.Ronaldo nih Pele lonh in vawleicung huap kawl tambik 5nk a tlaih cang | CBN

1 Zing 2017

 Portuguese pumpululh phu haotu a si i, Real Madrid arfi C.Ronaldo nih vawleicung huap pumpululh chuih zuamnak ah kawl tambik suttu a 5nk a tlaih cang. 

Kan hnu te tiang ahkhan cun Brazil pumpululh tuanbia ah minthang le milang a rak simi Pele nih 5nk a rak tlaih peng i, a tu cun C. Ronaldo nih a hun lonh khawh cang.

 C. Ronaldo hi nizaan (Cawn nilini) ah an chuihmi FIFA World Cup hneksaknak cu Faeroe Island he an chuih i, cu ahcun Portuguese nih kawl 5-1 in an tei hna. Hi zuamnak ah C. Ronaldo nih kawl thum a sut khawh. Vawleicung huap in C.Ronaldo nih a kawlmi dihlak kawl 78 a si cang i, Brazil pumpululh chuihthiam Pele cu a hun lonh cang.

 Pele hi 1957 in 1971 tiang, kum 14 chung a chuihnak ah vawleicung huap in voi 91 a chuih i, kawl 77 a rak kawl. C. Ronaldo cu Iraq pumpululh chuihthiam Hussein Saeed he kawl 78 veve in a 5nk veve an tlaih lio a si.

 1. Ali Daei                       Iran             109 

 2. Ferenc Puskás          Hungary     84 

 3. Kunishige Kamamo Japan          80 

 4. Godfrey Chitalu         Zambia       79

 5. Hussein Saeed          Iraq              78 

 5. Cristiano Ronaldo     Portugal      78

 Ch: Eleven Sport