Rakhine hartuar hna ca ah President hlun U Thein Sein nih phaisa sing sawmnga bawmhnak a pek | CBN

3 Zing 2017

ARSA ralhrang pawl cawlcanghnak ruang ah Rakhine ramkulh ah har a tuar cuahmah mi mipi cu, President hlun U Thein Sein nih phaisa sing 50 a bawmh hna. Sittwe ah a phan mi bawmhnak phu hna sin in bawmhnak a pek hi a si tiah theih a si.

“Hi phaisa hi mipi hartuar hna ca ah a pek mi a si i, hartuar mipi hna zong thazaang va pek ding in a kan cah” tiah Shwe Pyi Tha bawmhchannak phu upa U Aung Minn Paing nih a chim. Shwe Pyi Tha bawmhchanhnak phu hi U Thein Sein upatnak ca ah tiah kan hnukum chung ahkhan an dirhmi a si.

A tulio hi Rakhine ram buainak ruang ah mipi nih har an tuar cuahmah lio a si i, a thongthong in Sittwe khualipi an afh cuahmah lio a si. Eidin chambau mi mipi hna cu bawmhchantu phu hna nih bawmhnak an tuah cuahmah lio a si.

ARSA ralhrang kuthmual in Buthitaung peng chung ah khuate 34, minung 2326, Maungdaw peng chung khuate 43 ah minung 9402, zapi 11,728 hna cu hartuar in an um i, ralkap camp le phungki sianginn hna ah himnak kawl in an zaam tiah theih a si.

Ch: Mizzima